जुळ्या मुलांसह गर्भवती असलेली महिला तिच्या अफलातून डान्स व्हिडीओमुळे व्हायरल होत आहे. ती लोकप्रिय कोरिओग्राफर आणि इन्फ्ल्युएन्सरबरोबर आदिल खानसोबत ‘डिंग डोंग डिंग’ गाण्यावर नाचताना दिसत आहे. सोनम दया ही एक डान्सर, डॉक्टर आहे आणि सध्या तिच्या जुळ्या बाळांसह गर्भवती असूनही ती डान्स करते आहे. व्हायरल व्हिडिओ पाहून नेटकरी चिंतेत पडले आहे. गरोदरपणामध्ये नाचणे अत्यंत धोकादायक आहे असे सर्वांना वाटत आहे. काहींनी त्या धाडसी महिलेचे कौतुक केले तर काहींनी तिला निष्काळजी म्हणून टिका केली. पण सोनम स्वतः डॉक्टर असल्याने व्हिडिओ शेअर करताना कॅप्शनमध्येच नेटकऱ्यांची चिंता-शंका दूर केल्या.
व्हिडिओवर नेटिझन्सच्या प्रतिक्रिया
सोशल मीडियावर हा व्हिडिओ एका अनोख्या नृत्याच्या रूपात आला. काही प्रेक्षक गरोदरपणाच्या या काळात तिच्या ताकदीने आणि सक्रिय शरीराने आश्चर्यचकित झाले होते, तर काहीजण चिंतेत होते आणि गरोदरपणात इतके हालचाल करणे सुरक्षित आहे का याची उत्तरे शोधत होते. एका वापरकर्त्याने कमेंट केली, “बेबी नक्कीच एक डान्सर होणार आहे.” बॉलिवूड अभिनेत्री भाग्यश्रीने कमेंट केली, “माय माय माय!!!!.. तू अद्भुत आहेस… जरी माझे काळीज बाहेर आले होते.. तू ते इतके सोपे केले आहेस. देव तुला आरोग्य आणि शक्ती देवो. तुला आणि तुझ्या लहान मुलांना प्रेम. अभिनंदन मुलगी.”
अभिनेत्री अंजली आनंदने सोनमचे कौतुक केले ती म्हणाली की,”हे अद्भुत आहे! तू खरोखरच महान आहेस!”
सोनमने गर्भधारणेदरम्यान व्यायामाबद्दल टीका करणाऱ्यांना उत्तर दिले.
गर्भधारणेदरम्यान व्यायाम करण्याबद्दल वैद्यकीय आणि वैयक्तिक अशा सर्वांगीन दृष्टीकोनातून मत मांडताना
एक डॉक्टर आणि महिलांच्या आरोग्याची समर्थक म्हणून सोनम सांगते की,”गर्भधारणेदरम्यान जास्त व्यायाम करण्याबद्दल अनेक गैरसमज आणि निर्णय आहेत, परंतु सत्य हे आहे की, गर्भधारणेदरम्यान हालचाल सुरक्षित आणि फायदेशीर दोन्ही असू शकते जर ती योग्यरित्या केली गेली तर. ती स्पष्ट करते की,”गर्भधारणेदरम्यान व्यायाम करणे पूर्णपणे सुरक्षित आहे जर:
१. गर्भधारणेदरम्यान शारीरिक हालचाली गर्भपात, कमी वजन किंवा लवकर प्रसूतीचा धोका वाढवत नाहीत.
२. खरं तर, सक्रिय राहिल्याने गर्भधारणेदरम्यान तुमचे शारीरिक आणि भावनिक कल्याण होण्यास मदत होऊ शकते.
३. कोणताही व्यायाम दिनक्रम सुरू करण्यापूर्वी किंवा सुरू ठेवण्यापूर्वी तुमच्या आरोग्य सेवा प्रदात्याचा सल्ला घेणे महत्वाचे आहे. तुमच्या वैयक्तिक आरोग्यासाठी आणि गर्भधारणेच्या टप्प्यासाठी कोणत्या प्रकारच्या गोष्टी सर्वात योग्य आहेत याबद्दल ते तुम्हाला मार्गदर्शन करू शकतात.
व्हायरल डान्स व्हिडिओमध्ये तिच्या कपड्यांवर टीका करणार्‍यांना सोनम म्हणाली की,”व्यायाम हा केवळ शारीरिक आरोग्याबद्दल नाही तर तो आत्मविश्वास, बळकट आणि सक्षम वाटण्याचा एक मार्ग देखील आहे. व्यायाम करताना ती जे कपडे घालते त्यावरून तिला तिच्यासाठी आरामदायी वाटते हे दिसून येते.”
