आईने कष्टाने घेऊन दिलेली गाडी चोरीला गेली “आईची शेवटची आठवण, प्लीज परत करा..” पुणेकर तरुणाची पाटी पाहून व्हाल भावुक

सध्या अशीच एक पोस्ट व्हायरल होत आहे. या पोस्टमध्ये पुणेकर तरुण हातात पाटी घेऊन तुम्हाला रस्त्यावर उभा असलेला दिसेल. या पाटीवर त्याने चोरीला गेलेली गाडी शोधण्यास मदत करण्याची विनंती केली आहे. ही पोस्ट पाहून तुम्हीही भावुक व्हाल. सध्या याचे फोटो चांगलेच व्हायरल होत आहे.

हेही वाचा : कोणत्या वयात कमवायचं हे वय नाही परिस्थिती ठरवते! आई अन् चिमुकल्याचा ‘हा’ Video तुमच्याही डोळ्यात आणेल पाणी

“आईची शेवटची आठवण, प्लीज परत करा..”

या व्हायरल फोटोंमध्ये तुम्हाला एक तरुण दिसेल. हा तरुण हातात पाटी घेऊन रस्त्यावर उभा आहे. त्याने एका पाटीवर लिहिलेय, “माझी ब्लॅक अॅक्टिवा MH14B6036 चोरीला गेली दसऱ्याच्या दिवशी, आईची शेवटची आठवण, प्लीज शोधायला मदत करा.9766617464”

तर दुसऱ्या पाटीवर लिहिलेय, “माझी गाडी चोरणाऱ्या चोराला नम्र विनंती, आईने खूप कष्ट करून १२ वी गाडी घेतली होती. आईची शेवटची आठवण आहे. प्लीज परत करा
ब्लॅक अॅक्टिवा MH14B6036
मोबाईल नंबर – 9766617464″

आणखी एका पाटीवर लिहिलेय, “माझी गाडी चोरीला गेली आहे. ब्लॅक अॅक्टिवा MH14B6036 चोराला विनंती, माझ्या आईची शेवटची आठवण आहे. प्लीज परत करा. मी तुम्हाला नवीन गाडी घेऊन देतो, माझ्या आईची गाडी परत द्या प्लीज.
मोबाईल नंबर – 9766617464″

पाहा पोस्ट

abhayanjuu या इन्स्टाग्राम अकाउंटवरून हा व्हिडीओ शेअर करण्यात आला असून या व्हिडीओच्या कॅप्शनमध्ये लिहिलेय, “माझी BLACK ACTIVA MH14BZ6036 शोधण्यास कृपया मदत करा. माझी गाडी दसऱ्याच्या दिवशी रात्री कोथरूडमधून चोरीला गेली.

हेही वाचा : VIDEO: “अरे तिच्या बापाला काय वाटलं असेल”, रत्नागिरीत कंडक्टरने विद्यार्थीनीची काढली छेड; मुलींनी दाखवला दुर्गावतार

या व्हिडीओवर एका युजरने लिहिलेय, दादा चोराला काही भावना नसतात. तुम्ही पोलीस स्टेशनमध्ये तक्रार दाखल करा. ज्या ठिकाणाहून चोरीला गेली तिथे सीसीटिव्ह असेल तर चेक करून घ्या गाडी मिळेल.” या तरुणाचे नाव अभय असून काही महिन्यांपूर्वी त्याच्या आईचे कॅन्सरने निधन झाले. तो सोशल मीडियावर वेगवेगळ्या पोस्टद्वारे व्यक्त होत असतो.