Viral Video: सोशल मीडियावर कधी कोणतं गाणं व्हायरल होईल हे सांगता येत नाही. नुकतंच काही दिवसांपूर्वी ‘पुष्पा : द रुल’ या आगामी चित्रपटातील ‘पुष्पा पुष्पा’ हे गाणं प्रदर्शित झालं होतं; जे सध्या खूप चर्चेत असून, या गाण्यातील हुक स्टेपची अनेकांना भुरळ पडली आहे. या गाण्यावर लाखो लोक रील्स बनवून सोशल मीडियावर धुमाकूळ घालत आहेत. फक्त सामान्य लोकच नाही, तर अनेक दिग्गज कलाकार, तसेच परदेशांतील लोकही या गाण्यावर रील्स तयार करताना दिसत आहेत. अशातच आता या गाण्यावर एका चीअर गर्लनेदेखील डान्स केलेला दिसत आहे.
‘पुष्पा : द रुल’ चित्रपटाच्या पहिल्या भागामधील गाण्यांनीदेखील अनेकांना वेड लावलं होतं. या गाण्यांतील अनेक हुक स्टेप्सदेखील सोशल मीडियावर खूप व्हायरल झाल्या होत्या. दरम्यान, आता ‘पुष्पा : द रुल’ चित्रपटातील ‘पुष्पा पुष्पा’ गाण्यातील एक हुक स्टेप सध्या खूप व्हायरल होतेय. समोर आलेल्या या व्हिडीओमध्येही एका चीअर गर्लने या गाण्यावर डान्स केलेला दिसत आहे.
रविवारी (९ जून) रात्री भारत आणि पाकिस्तान यांच्यात वर्ल्ड कप सामना रंगला होता; ज्यात भारतीय टीम विजय ठरली. या व्हिडीओमध्ये पुष्पा गाण्यातील हुक स्टेप करणारी तरुणी एक चीअर गर्ल असून, तिने डीम इंडियाची जर्सी घालून ‘पुष्पा पुष्पा’ गाण्यावर हुक स्टेप करताना दिसत आहे. त्याशिवाय यावेळी तिच्यासह काही लहान मुलंदेखील होती. या व्हिडीओ सध्या सोशल मीडियावर खूप व्हायरल होत आहे.
पाहा व्हिडीओ:
हा व्हिडीओ इन्स्टाग्रामवरील @irina.rai9 या अकाउंटवरून शेअर केला आहे. या व्हिडीओवर आतापर्यंत जवळपास दीड लाखाहून अधिक व्ह्युज आणि तर १४ हजारांहून अधिक लाइक्स मिळाल्या आहेत. त्याशिवाय यावर अनेक युजर्स कमेंट्सदेखील करीत आहेत. एकाने लिहिलेय की, व्वा एकदम कडक! तर दुसऱ्याने लिहिलेय की, तुमचा डान्स पाहून अल्लू अर्जुनही रडत असेल. तर आणखी एकाने लिहिलेय, “चक दे इंडिया.” तर आणखी एकाने लिहिलेय, “खूप छान डान्स.”
