Video: सचिन तेंडुलकरची मुलगी साराचं मॉडलिंग क्षेत्रात पदार्पण! बनिता संधू, तान्या श्रॉफसह जाहिरातीत झळकली

सचिन तेंडुलकरची मुलगी सारा तेंडुलकरने मॉडलिंग क्षेत्रात पदार्पण केलं आहे.

Sara_Tendulkar
Video: सचिन तेंडुलकरची मुलगी साराचं मॉडलिंग क्षेत्रात पदार्पण! बनिता संधू, तान्या श्रॉफसह जाहिरातीत झळकली (Photo- SaraTendulkar Instagram)

सचिन तेंडुलकरची मुलगी सारा तेंडुलकरने मॉडलिंग क्षेत्रात पदार्पण केलं आहे. सारा तेंडुलकरने तिच्या इंस्टाग्रामवर एक व्हिडिओ शेअर केला आहे. एका कपड्याच्या ब्रँडची जाहिरात करताना दिसत आहे. तिच्यासोबत अहान शेट्टीची गर्लफ्रेंड आणि सरदार उधम चित्रपटात रेश्माची भूमिका साकारणारी बनिता संधूही आहे. तर २०१५ पासून मॉडेलिंग क्षेत्रात काम करणारी तान्या श्रॉफही आहे. उद्योगपती जयदेव श्रॉफ आणि रोमिला श्रॉफ यांची मुलगी आहे. तान्या श्रॉफ लंडनमध्ये शिकते. तान्या श्रॉफ ही फॅशन इंफ्लूएंसर आणि डिझायनर देखील आहे. ती तिच्या स्टाईल स्टेटमेंटसाठी प्रसिद्ध आहे. तान्या श्रॉफ कायम स्टायलिश आउटफिट्समध्ये तिचे फोटो पोस्ट करत असते.

सारा तेंडुलकरचा हा व्हिडिओ सोशल मीडियावर व्हायरल झाला आहे. अवघ्या काही तासांत त्यावर हजारो लाईक्स आले आहेत तर शेकडो लोकांनी कमेंट्स केल्या आहेत. कपड्यांच्या कंपनीने त्यांच्या इंस्टाग्राम अकाऊंटवर सारा तेंडुलकरला लॉन्च करतानाचा फोटोही शेअर केला आहे. सारा तेंडुलकर सोशल मीडियावर खूप सक्रिय असते. ती अनेकदा इंस्टा स्टोरीज, व्हिडिओ आणि फोटो शेअर करत असते. या एपिसोडमध्ये तिने हा व्हिडिओ शेअर केला आहे. अलीकडेच सारा तेंडुलकरचा एक खास ‘डेट नाईट’ फोटोही व्हायरल झाला होता. त्या फोटोमध्ये ती बॉलिवूड गायिका कनिका कपूरसोबत दिसली होती.

सारा तेंडुलकर बहुतेक वेळा लंडनमध्ये असते. सचिन तेंडुलकरने १० नोव्हेंबर २०२१ रोजी त्याच्या इंस्टाग्रामवर एक फोटो शेअर केला होता. पत्नी अंजलीच्या वाढदिवसानिमित्तचा फोटा होता. अंजलीच्या वाढदिवशी त्याने संपूर्ण कुटुंबासोबत मुंबईतील गुजराती रेस्टॉरंटमध्ये डिनरचा आनंद लुटला. यावेळी सारा तेंडुलकरही उपस्थित होती. साराने काही दिवसांपूर्वी तिचा भाऊ अर्जुन तेंडुलकरसोबतचा एक फोटो शेअर केला होता. तत्पूर्वी, तिने लंडनमध्ये मित्रांसोबत २४वा वाढदिवस साजरा केला. या वाढदिवसाचे फोटोही तिने शेअर केले आहेत. सारा तेंडुलकरचे नाव भारतीय क्रिकेटपटू शुबमन गिलसोबत जोडले गेले आहे. सारा आणि शुबमन अनेकदा इव्हेंट्स आणि पार्ट्यांमध्ये एकत्र दिसतात. या दोघांनीही त्यांच्या नात्याची अधिकृत पुष्टी केलेली नाही.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व ट्रेंडिंग बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Sachin tendulkar daughter sara debut in modeling field rmt

ताज्या बातम्या