Shocking video: देशातील विविध राज्यात महिला सुरक्षेचा मोठा प्रश्न निर्माण झाला आहे. महिला सुरक्षेकरता सुरक्षा व्यवस्था वाढवण्यात आली असली तरीही मोठ्या शहरातील लहान गल्ल्यांमध्येही महिलांवरील अत्याचार थांबलेले नाहीत. वर्षानुवर्षे मुलींवरच्या अत्याचारांची संख्या वाढतच चाललीय. सोशल मीडियावर, वृत्तपत्रांमध्ये, बातम्यांद्वारे आपल्याला या सगळ्याची माहिती मिळते आणि माणूस म्हणून आपण कुठेतरी चुकतोय याची खंत वाटते. आजही जगभरात अनेक देशांत महिला असुरक्षित आहेत. अत्याचार करणारी विकृत माणसं दिवसाढवळ्या खुली फिरतायत. अशीच एक धक्कादायक घटना आता समोर येत आहे. ब्लिंकिटच्या डिलिव्हरी बॉयनं तरुणीसोबत केलेल्या धक्कादायक कृत्यामुळे सर्वच संतापले आहेत. याचा व्हिडीओही सध्या सोशल मीडियावर व्हायरल झाला असून व्हिडीओ पाहून तुम्हालाही धक्का बसेल.
सध्या सोशल मीडियावर ब्लिंकिटच्या डिलिव्हरी बॉयची जोरदार चर्चा होत आहे. एका महिलेने ब्लिंकिटच्या डिलिव्हरी बॉयने तिच्यासोबत केलेल्या धक्कादायक कृत्यासंदर्भात सोशल मीडियावर पोस्ट शेअर केली. ऑर्डर देताना डिलिव्हरी बॉयने तिला वाईट पद्धतीने स्पर्श केला. या महिलेने सीसीटीव्ही फुटेज शेअर करत कंपनीकडे तक्रार केली आणि कारवाई करण्याची मागणी केली.
महिलेने सांगितल्याप्रमाणे, ही घटना ३ ऑक्टोबरला सायंकाळी ५.३० वाजता घडली. महिलेने सोशल मीडिया प्लॅटफॉर्म एक्सवर पोस्ट करत ब्लिंकिटच्या ऑफिशियल अकाऊंटला टॅग केले. आपल्या पोस्टमध्ये तिने डिलिव्हरी बॉयने तिच्यासोबत केलेल्या अश्लिल कृत्याची माहिती दिली आणि सीसीटीव्ही व्हिडीओ देखील शेअर केला.लहान मुलींपासून वयस्कर महिलांची सुरक्षा ही जगभरातील मोठी चिंता आहे. देश कुठलाही असो तरुणी असो वा विवाहीत महिला यांच्यासोबत पुरुषांचे गैरवर्तनचे अनेक धक्कादायक प्रकार समोर आले आहेत. अशा कृत्यांना आळा घालण्यासाठी अनेक कठोर कायदे करण्यात आले पण अजूनही नराधम वेठणीस येतं नाही आहेत.
पाहा व्हिडीओ
सोशल मीडियावर हा व्हिडीओ @eternalxflames_ नावाच्या इन्स्टाग्राम अकाऊंटवरुन शेअर करण्यात आला आहे. हा व्हिडीओ सोशल मीडियावर व्हायरल झाल्यानंतर नेटकरी संतप्त झाले असून, अनेक प्रतिक्रिया यावर देत आहेत. अनेक लोकांनी भरभरुन कमेंट्स केल्या आहेत. कोणी याला नोकरीवरुन काढून टाका, असं लिहिलंय. तर कुणी “महिलांनी जगायचं तरी कसं?” अशा नराधमांना ठेचून काढा असं म्हंटलंय.
