Transgender Man In Bikini Viral Video : सोशल मीडियावर एक धक्कादायक व्हिडीओ मोठ्या प्रमाणात व्हायरल होत आहे, ज्यात एक ट्रान्सजेंडर पुरुष चक्क बिकिनी घालून मुलींच्या वॉशरुममध्ये शिरण्याचा प्रयत्न करताना दिसतोय. ही घटना लहान मुलांच्या खेळाच्या मैदानाजवळील एका वॉशरुममध्ये घडल्याचे सांगितले जात आहे, यामुळे मुलांच्या सुरक्षिततेबाबत आणि वाढत्या विकृतीबद्दल चिंता व्यक्त केली जात आहे.

व्हि़डीओमध्ये एक महिला त्या पुरुषाला रोखण्याचा प्रयत्न करताना दिसतेय. बिकिनी आणि लाउंज शॉर्ट्स घातलेला तो पुरुष अखेर महिलांच्या तीव्र आक्षेपानंतर वॉशरुम एरियातून बाहेर पडताना दिसतोय.

व्हायरल व्हिडीओत पाहू शकता की, एक पुरुष बिकिनी आणि शॉर्ट्स घालून मुलींच्या वॉशरुममध्ये शिरतोय. पण, काही महिला त्यावर जोरजोरात ओरडत असून त्याला तिथे जाण्यापासून रोखण्याचा प्रयत्न करत आहेत. यादरम्यान एक महिला असे बोलताना ऐकू येतेय की, तू काही महिला नाहीस, इथून निघून जा. ती महिला त्या पुरूषाला असेही म्हणते की, मुलांसमोर अशी काही कृत्य करू नकोस, कारण हे वॉशरूम मुलांच्या खेळाच्या मैदानात आहे.

हा धक्कादायक व्हिडीओ मंगळवारी रात्री एक्सवर @OliLondonTV नावाच्या अकाउंटवरून पोस्ट करण्यात आला आहे, जो पाहिल्यानंतर नेटकऱ्यांनी तीव्र संताप व्यक्त केला आहे. अनेकांनी या ट्रान्सजेंडर पुरुषाला ‘पीडोफाइल’ असे म्हटले आहे, तर काहींनी त्याच्या जेंडरविषयी प्रश्नचिन्ह उपस्थित केला आहे, तर काहींनी त्याला चुकीच्या हेतूने केलेले हे ढोंग असलेले म्हटले आहे.

This quiz is AI-generated and for edutainment purposes only.

यावर एका युजरने कमेंट केली की, हा माणूस ट्रान्सजेंडर नाही तर बाल लैंगिक शोषण करणारा आहे. दुसऱ्या युजरने लिहिले की, पूर्वीच्या काळी हे मुलं-मुलींच्या बाथरूममध्ये घुसण्याचा प्रयत्न करायचे, आता ते ब्रा घालून म्हणतात की ते ‘ट्रान्स’ आहेत. तिसऱ्या युजरने म्हटले की, हा माणूस मला अजिबात ट्रान्सजेंडर वाटत नाही. मुलींच्या बाथरूममध्ये घुसण्याचे हे फक्त एक निमित्त आहे.