दाढी-मिशी काढून वडिलांना सरप्राईज देणे पडले महागात! संतापलेल्या काकांनी पाहताक्षणी मुलाला धू धू धुतला, पाहा Viral Video

म्हणून वडिलांनी मुलाच्या कानाखाली मारली

अवघ्या १८ सेकंदांच्या या व्हिडीओमध्ये हा मुलगा क्लीन शेव्ह करून वडिलांना सरप्राईज देण्यासाठी तयार असल्याचे दिसत आहे. मुलगा कॅमेरा लावून घराच्या गेटवर उभा दिसतो. अशा परिस्थितीत वडिलांना मागून येताना पाहून तो मुलगा हसत राहतो, त्याला पाहून वडिलांची काय प्रतिक्रिया असेल या विचाराने तो मुलगा हसत राहतो, वडील येऊन विचारतात मिशी काढलीस का? मुलगा वडिलांकडे वळतो तेव्हा त्याची क्लीन शेव्ह पाहून पुढच्याच क्षणी ते मुलाच्या गालावर जोरात कानाखाली मारतात. त्यानंतर ते पुन्हा आपल्या मुलाला एका पाठोपाठ एक जोरात कानाखाली मारताना दिसत आहे. मुलाला मारताना वडील रागात म्हणतात की, “तू माझं काहीच ऐकत नाहीस” व्हिडीओ पाहून नेटकऱ्यांना धक्का बसला आहे.

हेही वाचा – याला म्हणतात माय-लेकाचं प्रेम! तरुणाने चक्क आईला शिकवली ड्रायव्हिंग! Videoने जिंकले नेटकऱ्यांचे मन

हेही वाचा – धक्कादायक! चिमुकल्या बाळाला हातात घेऊन धूम्रपान करतेय महिला, रिलसाठी ओलांडल्या सर्व मर्यादा, Video Viral

हा व्हिडिओ सोशल मीडिया प्लॅटफॉर्मवर शेअर करण्यात आला आहे व्हिडिओ शेअर करताना कॅप्शनमध्ये दावा करण्यात आला आहे की, ‘मुलगा आणि वडिलांमध्ये वाद झाला, मुलाने क्लीन शेव्ह करून वडिलांना आश्चर्यचकित करण्याचा प्रयत्न केला.’ आतापर्यंत २.१ दशलक्ष लोकांनी हा व्हिडिओ पाहिला आहे, तर १२ हजार लोकांनी व्हिडिओला लाईक केले आहे. व्हिडिओ पाहणाऱ्या एका यूजरने लिहिले की,”काकांनी खूपच जोरात कानाखाली मारली आहे..” दुसऱ्या यूजरने लिहिले, “हे आश्चर्यकारक आहे.” तिसऱ्या वापरकर्त्याने लिहिले, “सिग्मा अंकल”