Des Rangila Dance Video: १५ ऑगस्ट आला की शाळांमधील तयारीला नवा उत्साह येतो. कुठे मुलं भाषणाची तयारी करताना दिसतात, तर कुठे देशभक्तिपर गाण्यांचा नाद दुमदुमतो. असाच एक व्हिडीओ सध्या सोशल मीडियावर धुमाकूळ घालत आहे, ज्यात एका शाळेचे ‘मास्टरजी’ आपल्या विद्यार्थ्यांना सुपरहिट देशभक्तिपर गीत ‘देश रंगीला’वर डान्स सराव शिकवत आहेत. (तालीम करायला लावत आहेत.) शाळेत सुरू असलेल्या नृत्याच्या सरावात एका शिक्षकांनी असा जोश दाखवला की विद्यार्थ्यांसोबतच लाखो प्रेक्षकही थक्क झाले. सोशल मीडियावर लाखो वेळा पाहिला गेलेला हा व्हिडीओ पाहून तुम्हालाही वाटेल – ही आहे खरी देशभक्तीची झलक.
शिक्षकांचा जोश आणि मुलांच्या चेहऱ्यावरील आनंद
व्हिडीओमध्ये दिसते की, शिक्षक प्रत्येक स्टेपमध्ये अक्षरशः ऊर्जा ओतत आहेत. त्यांचा जोश पाहून मुलंही तितक्याच उत्साहाने ताल धरत आहेत. मध्येच हास्य-विनोद, टाळ्या आणि चिअरिंगचा माहोल – त्यामुळे डान्सच्या प्रॅक्टीसचं वातावरण आणखी रंगतदार होतं. जणू काही खरा परफॉर्मन्स सुरू आहे असं वाटावं. मुलांच्या चेहऱ्यावरची स्मितरेषा, गाण्याची देशभक्तीची लय आणि त्यातच शिक्षकांची ऊर्जेची उधळण… हा सगळा मिलाफ असा झाला की लाखो लोक मंत्रमुग्ध झाले. अनेकांनी हा व्हिडीओ पाहून कौतुकाचा पाऊस पाडला आहे
सोशल मीडियावर कमेंट्सचा पाऊस
हा व्हिडीओ इन्स्टाग्राम युजर @esrilesk यांनी शेअर केला असून, आतापर्यंत त्याला चार मिलियनपेक्षा जास्त व्ह्यूज, दोन लाखांहून अधिक लाइक्स आणि पाच हजारांपेक्षा जास्त कमेंट्स मिळाल्या आहेत. एका युजरने लिहिलं, “या शिक्षकांना सलाम”, तर दुसऱ्याने म्हटलं – “बेस्ट डान्स टीचर.” अनेकांनी आपल्या शाळेतील दिवसांची आठवण सांगितली आणि असे क्षण आयुष्यभर विसरता येत नाहीत असं म्हटलं. अशा अनेक प्रतिक्रिया आलेल्या आहेत.
‘देश रंगीला’ का आहे खास?
दरवर्षी १५ ऑगस्ट आणि २६ जानेवारीच्या कार्यक्रमांमध्ये हे गाणं जवळजवळ प्रत्येक शाळेत ऐकू येतं. विशेषतः मुलींचे ग्रुप्स या गाण्यावर नृत्य सादर करतात. याची धून आणि बोल देशभक्तीची भावना मनात आणखी खोलवर पोहोचवतात, त्यामुळे या गाण्यावरचा परफॉर्मन्स पाहणं म्हणजे एक वेगळीच अनुभूती असते.
थोडक्यात, स्वातंत्र्य दिनाआधीचा हा व्हायरल व्हिडीओ केवळ एक डान्स प्रॅक्टिस नाही, तर शिक्षक-विद्यार्थी यांच्यातील आनंद, नातं आणि देशभक्तीचा संगम दाखवणारा सुंदर क्षण आहे. तुम्हीही हा व्हिडीओ पाहिल्यावर नकळत म्हणाल – “वाह! छा गये सरजी!”
