Little Girl Dance: सोशल मीडियावर लहान मुलांचे अनेक व्हिडीओ सतत व्हायरल होत असतात. ट्रेंडिंग गाणी, नवीन चित्रपट, त्यातील डायलॉग मुलांचे तोंडपाठ असतात. हल्लीची ही मुलं सोशल मीडियावरील बदलत्या ट्रेंडनुसार वागताना, बोलताना दिसतात. सोशल मीडियाप्रती मुलांमध्ये खूप उत्सुकता आणि आकर्षण आहे, त्यामुळे सोशल मीडियावर आपणही इतरांप्रमाणे आपली कला सादर करून प्रसिद्धी मिळवावी, यासाठी मुलं आणि त्यांचे पालक खूप प्रयत्न करताना दिसतात. सध्या सुंदर डान्स करणाऱ्या चिमुकलीचा एक डान्स व्हिडीओ तुफान व्हायरल होतोय, जो पाहून प्रत्येक जण तिच्या डान्सचे कौतुक करताना दिसत आहे. या व्हिडीओतील चिमुकली स्वातंत्र्यदिनानिमित्त सादरीकरण करताना दिसत आहे.
गेल्या आठवड्यात देशाचा ७८ वा स्वातंत्र्य दिवस पार पडला, या दिवशी जागोजागी तिरंगा ध्वज फडकावून स्वातंत्र्यदिनाचा उत्सव साजरा केला गेला. सध्या सोशल मीडियावर या दिवसाचे अनेक व्हिडीओ आणि फोटो खूप व्हायरल होत आहेत. अशातच एका चिमुकलीचा स्वातंत्र्यदिनानिमित्त केलेला डान्स तुफान व्हायरल होत आहे, जो पाहून अनेक जण तिचं कौतुक करताना दिसत आहेत.
या व्हायरल व्हिडीओमध्ये तुम्ही पाहू शकता की, एक चिमुकली परदेशातील रस्त्यावर ‘तेरी मिट्टी में मिल जावा’ या गाण्यावर सुंदर डान्स करताना दिसत आहे. या गाण्यातील चिमुकलीच्या स्टेप्स आणि एक्स्प्रेशन्स पाहण्यासारख्या आहेत. यावेळी चिमुकलीचा डान्स पाहून तिच्या आसपास असलेले लोक तिच्याकडे कौतुकाने पाहताना दिसत आहेत.
पाहा व्हिडीओ:
हा व्हिडीओ इन्स्टाग्रामवरील @kathashinde या अकाउंटवर शेअर केला असून, यावर आतापर्यंत सात लाखांहून अधिक व्ह्यूज मिळाल्या आहेत, तर चाळीस हजारांहून अधिक लाइक्स मिळाल्या आहेत. यावर अनेक युजर्स कमेंट्स करत आहेत.
युजर्सच्या कमेंट्स चर्चेत
एका युजरने कमेंटमध्ये लिहिलंय की, ‘मन जिंकलं मुली’, तर दुसऱ्या युजरने लिहिलंय की, ‘जय हिंद, जबरदस्त डान्स’, तर आणखी एकाने लिहिलंय की, ‘एक नंबर डान्स’, तर आणखी एकाने लिहिलंय की, ‘खतरनाक डान्स, एकदम भारी.’
