Viral Video : आयुष्यात मेहनतीशिवाय काहीही मिळत नाही. मेहनत केल्यानंतर किंवा कष्ट घेतल्यानंतर फळ मिळते. पण त्यासाठी जिद्द, चिकाटी असणे सुद्धा तितकेच महत्त्वाचे आहे. अनेकदा आपण लहान लहान गोष्टींची तक्रार करतो पण जगात असे अनेक लोक आहेत जे तक्रार करत नाही उलट मेहनत करतात, संघर्ष करतात, आलेल्या परिस्थितीचा सामना करतात आणि कष्टायची भाकरी खातात. सध्या एक असाच व्हिडीओ व्हायरल होत आहे. या व्हिडीओमध्ये तुम्हाला एक पाणी विक्रेता तरुण दिसेल. त्याची जिद्द, चिकाटी आणि कष्ट पाहून तुम्हीही थक्क व्हाल. दहा रुपयाची किंमत काय असते, हे तुम्हाला या व्हिडीओतून दिसून येईल. सध्या हा व्हिडीओ सोशल मीडियावर चांगलाच व्हायरल होत आहे.
या व्हायरल व्हिडीओमध्ये तुम्हाला बस स्टॉप दिसेल आणि एक बस सुटली आहे. या बसच्या एका खिडकीतून एक हात बाहेर दिसेल आणि या बसच्या मागे एका हातात पाण्याचा बाटल्यांचा मोठे पॅकेट आणि दुसऱ्या हातात एका पाण्याची बाटली धरून हा तरुण बसच्या मागे धावताना दिसत आहे. पुढे धावत धावत हा तरुण खिडकीतून बाहेर हात काढलेल्या माणसाच्या हातात पाण्याची बाटली देतो आणि आणि त्याच्याकडून पैसे घेतो. व्हिडीओत तुम्हाला जिसेल की तरुण जेव्हा बसच्या मागे धावतो, तेव्हा त्याच्या चेहऱ्यावर हसू असते. त्याच्या हसण्यात एक आव्हान असते जो ते पूर्ण करतो. फक्त दहा रुपयांसाठी हा तरुण बसच्या मागे धावतो आणि पाण्याची बाटली विकतो. या व्हिडीओतून तुम्हाला दहा रुपयांची किंमत समजेल. या व्हिडीओवर लिहिलेय, “आयुष्यात कधी हारल्यासारखं वाटलं तर हे बघा तेव्हा १० रुपयाची किंमत समजेल”
पाहा व्हायरल व्हिडीओ (Watch Viral Video)
writer_altaf___001 या इन्स्टाग्राम अकाउंटवरून हा व्हिडीओ शेअर करण्यात आला असून या व्हिडीओच्या कॅप्शनमध्ये लिहिलेय, “स्वतः कष्ट केल्यावर १० रुपयाची किंमत कळते…”
या व्हिडीओवर अनेक युजर्सनी प्रतिक्रिया दिल्या आहेत. अनेकांना हा व्हिडीओ खूप आवडला आहे. काही युजर्सनी या व्हिडीओवर हार्टचे इमोजी शेअर केले आहेत.
