Viral Video: जगातील कुठलाही सजीव असो, प्रत्येक जण आपली भूक भागवण्यासाठी संघर्ष करीत असतो. मनुष्य आपली दोन वेळची भूक मिटवण्यासाठी आणि इतर गरजा पूर्ण करण्यासाठी दिवस-रात्र कष्ट करतात, त्याचप्रमाणे हिंस्त्र प्राणीदेखील जंगलातील प्राण्यांवर हल्ला करून आपली भूक भागवतात. हिंस्र प्राण्यांना ज्याप्रमाणे आपली भूक भागवणं गरजेचे असते, त्याचप्रमाणे ज्या प्राण्याचा जीव धोक्यात असतो, त्यालाही आपला जीव वाचावा, असं वाटत असतं. त्यामुळे तोदेखील स्वत:ची शिकार होऊ नये आणि आपला जीव वाचावा म्हणून जीवाच्या आकांताने पळत असतो. अनेकदा अशा दुर्बल जीवांची ही धाव यशस्वी होते, तर अनेकदा त्यांना आपला जीव गमवावा लागतो. दरम्यान, आता असाच एक थरारक व्हिडीओ खूप व्हायरल होतोय, ज्यात कुत्रा सशाची शिकार करताना दिसत आहे.
समाजमाध्यमांवर अनेक व्हिडीओ आपल्या नजरेस पडत असतात, ज्यात काही प्राण्यांचेही व्हिडीओ पाहायला मिळतात. बऱ्याचदा जंगलातील प्राण्यांच्या या व्हिडीओंमध्ये कधी हिंस्र प्राणी इतर प्राण्याची शिकार करताना दिसतात, तर अनेकदा काही प्राणी एकमेकांसोबत खेळताना दिसतात. सध्या व्हायरल होत असलेल्या या व्हिडीओमध्ये एक कुत्रा सशाची शिकार करताना दिसतोय.
हा व्हायरल व्हिडीओ एका जंगलातील असून, त्यामध्ये तुम्ही पाहू शकता की, जंगलामध्ये एक कुत्रा निवांत उभा आहे आणि त्याची नजर एका सशावर जाते. सशाला पाहताच कुत्रा शिकार मिळवायचीच या जिद्दीने सशाचा पाठलाग करतो आणि बराच वेळ त्याचा पाठलाग केल्यानंतर अखेर त्या बिचाऱ्या सशाला आपल्या तोंडात पकडतो.
पाहा व्हिडीओ:
हा व्हिडीओ @RabbitExpress यूट्यूब अकाउंटवरून शेअर करण्यात आला आहे. या व्हिडीओवर आतापर्यंत लाखो व्ह्युज आणि हजारो लाइक्स मिळाल्या आहेत. तसेच या व्हिडीओवर अनेक युजर्स कमेंट्स करतानादेखील दिसत आहेत. एकाने लिहिलेय, “बिचारा ससा… वाईट वाटलं.” दुसऱ्याने लिहिलेय, “कुत्रा खूपच चपळ आहे.” तिसऱ्याने लिहिलेय, “हे जग पापी, कपटी; इथे दुसऱ्याला वाचवण्यासाठी स्वतःला मरावं लागतं.”
