Viral Video: जगातील कुठलाही सजीव असो, प्रत्येक जण आपली भूक भागविण्यासाठी संघर्ष करीत असतो. मनुष्य आपली दोन वेळची भूक भागवण्यासाठी आणि इतर गरजा पूर्ण करण्यासाठी दिवस-रात्र कष्ट करीत असतो. त्याचप्रमाणे हिंस्त्र प्राणीदेखील जंगलातील प्राण्यांवर हल्ला करून, आपली भूक भागवतात. हिंस्र प्राण्यांसाठी ज्याप्रमाणे आपली भूक भागवणं गरजेचं असतं, त्याचप्रमाणे ज्या प्राण्याचा जीव धोक्यात असतो, त्यालाही आपला जीव वाचावा, असं वाटतं. त्यामुळे तोदेखील जीवाच्या आकांतानं शिकार होण्यापासून वाचण्यासाठी पळत असतो. अनेकदा त्यांची ही धाव यशस्वी होते, तर अनेकदा त्यांना आपला जीव गमवावा लागतो. दरम्यान, आता असाच एक थरारक व्हिडीओ खूप व्हायरल होतोय, ज्यात सिंहांचा एक कळप एका झेब्र्यावर हल्ला करताना दिसत आहे.
समाजमाध्यमांवर अनेक व्हिडीओ आपल्या नजरेस पडत असतात, ज्यात काही प्राण्यांचेही व्हिडीओ पाहायला मिळतात. बऱ्याचदा जंगलातील प्राण्यांच्या या व्हिडीओंमध्ये ज्यात कधी हिंस्र प्राणी इतर प्राण्याची शिकार करताना दिसतात, तर अनेकदा काही प्राणी एकमेकांसोबत खेळताना दिसतात. सध्या व्हायरल होत असलेल्या या व्हिडीओमध्ये सिंहाचा एक कळप झेब्र्याची शिकार करताना दिसत आहे.
हा व्हायरल व्हिडीओ एका जंगलातील असून, त्यामध्ये तुम्ही पाहू शकता की, एका जंगलामध्ये शिकारीच्या शोधात असणाऱ्या सिंहाच्या कळपाला एक झेब्रा दिसतो. झेब्र्याला पाहून सिंहांचा कळप त्याच्यावर तुटून पडतो. चारही बाजूंनी झेब्र्याला घेरून, ते त्याचे लचके तोडण्याचा प्रयत्न करीत, त्याची शिकार करतात. अशा प्रकारे झेब्र्याचा वाईट अंत झाला. हा व्हिडीओ पाहून काही नेटकरीही हळहळ व्यक्त करीत आहेत.
पाहा व्हिडीओ:
हा व्हिडीओ यूट्यूबवरील @Brianelli123 या अकाउंटवरून शेअर करण्यात आला असून, त्याच्या कॅप्शनमध्ये, ‘सिंहाच्या कळपाने झेब्र्याला मारले’, असे लिहिले आहे. या व्हिडीओवर आतापर्यंत ३५ दशलक्ष व्ह्युज आणि हजारो लाइक्स मिळाल्या आहेत. तसेच या व्हिडीओवर अनेक युजर्स कमेंट्स करतानादेखील दिसत आहेत.
