VIDEO: नियंत्रण सुटले अन् सुसाट कारची तरुणाला धडक; पुढे जे घडलं ते पाहून म्हणाल, दैव बलवत्तर!

व्हिडीओत एक तरुण रस्त्याच्या कडेला सोफा ठेवून आरामात झोपलेला असतो. तितक्यात एका भरधाव कारचे नियंत्रण सुटते व ती तरुणाच्या सोफ्याला येऊन धडकते. टक्कर इतकी जोरदार होती की, गाडी धडकताच सोफा तुटला. हा प्रसंग इतका लगेच घडला की, तरुणाला नक्की काय घडलं हे कळायला काही मार्गच उरला नाही. तरुण झोपलेल्या सोफ्याला गाडी धडकताच उठला आणि घाबरला. तुम्हीसुद्धा बघा हा व्हायरल व्हिडीओ.

हेही वाचा…जेव्हा सिंहीण पिल्लांबरोबर लावते शर्यत; आईच्या पाठोपाठ सहा पिल्लांनी लावली रांग अन्… पाहा VIDEO

व्हिडीओ नक्की बघा…

व्हायरल व्हिडीओत तुम्ही पाहिलं असेल की, वाहनचालकाचे गाडीवरील नियंत्रण सुटते आणि मोठी दुर्घटना होता होता टळते. नंतर तरुण कारचालकावर रागावतो आणि त्याला खडे बोल सुनावतो. कारचालक आपली कार घेऊन तिथून निघून जातो. ही दुर्घटना पाहून आजूबाजूचे लोक तेथे जमा झाले आणि त्या तरुणाचे सांत्वन करून त्याला तेथून घेऊन गेले आणि येथे व्हिडीओचा शेवट झाला.

मोठ्या रस्त्यांवरील गाड्या किती वेगाने धावतात याची आपण कल्पना करू शकत नाही. वाहनचालकाची एखादी चूक आणि थेट व्यक्तीचा जीव धोक्यात असा प्रसंगही उद्भवू शकतो. सोशल मीडियावर हा व्हिडीओ @ThebestFigen या इन्स्टाग्राम अकाउंटवरून शेअर करण्यात आला आहे. अनेक जण हा व्हिडीओ पाहून तरुणाला लकी (Lucky) असं म्हणत आहेत. कारण कार अपघातात त्याला दुखापत झाली असती किंवा त्याचा जीवही गेला असता. पण, सुदैवाने असं काहीही झालं नाही आणि नशीब बलवत्तर म्हणून तरुणाचा वेळीच जीव वाचला आहे.