शिक्षकाचे भर वर्गात विद्यार्थिनीबरोबर संतापजनक कृत्य; कानाखाली मारलं अन्… धक्कादायक VIDEO VIRAL

Viral Video: या घटनेमुळे शाळेत खळबळ उडाली असून, इंटरनेटवर शिक्षकाविरोधात संतापाची लाट उसळली आहे.

Viral video of a teacher slapping a minor girl student from class 2 until she bleeds from her ear

(Photo courtesy- Telugu Scribe/X)

Viral Video of teacher slapping minor student causes ear bleeding: विद्यार्थी आणि शिक्षकाचं नातं गुरू-शिष्याप्रमाणे असतं. विद्यार्थ्यांना त्यांच्याकडून होणाऱ्या चुका योग्य त्या पद्धतीने दाखवून शिक्षक विद्यार्थ्यांवर संस्कारच करीत असतात. पण, अनेकदा शिक्षक विद्यार्थ्यांना समजावून सांगण्यापेक्षा शिक्षेचा मार्ग निवडतात. या शिक्षेमध्ये अनेकदा मुलांना शारीरिक किंवा मानसिक त्रासातून जावं लागतं. आता अशीच एक घटना तेलंगणात घडली आहे, जिथे शिक्षकाने विद्यार्थिनीला कानातून रक्त येईपर्यंत मारलं.

तेलंगणातील जगतियाल येथे एका विद्यार्थिनीला शाळेत गृहपाठ पूर्ण न केल्यामुळे क्रूर शिक्षा देण्यात आली. शिक्षकानं इयत्ता दुसरीत शिकणाऱ्या विद्यार्थिनीच्या कानावर एवढा जोरात मारलं की, तिच्या कानातून मोठ्या प्रमाणात रक्तस्राव होऊ लागला.

हेही वाचा… रक्षाबंधनासाठी निघालेल्या ताईने बसमध्येच दिला आपल्या लेकराला जन्म; महिला कंडक्टर अन् नर्सने केली ‘अशी’ मदत

तेलंगणातील करीमनगर जिल्ह्यातील जगतियाल ब्लॉकमध्ये असलेल्या एमपीपीएस टीआर नगर शाळेत ही घटना घडली. शाळा एका स्थानिक संस्थेद्वारे चालवली जाते आणि ती ग्रामीण भागात आहे. सरकारी शाळेतील शिक्षकानं दुसरीत शिकणाऱ्या मुलीला तिच्या कानातून मोठ्या प्रमाणात रक्तस्राव होईपर्यंत मारलं. कुमार असं या शिक्षकाचं नाव असून, गृहपाठ न केल्यानं शिक्षकानं या मुलीला मारहाण केली. या घटनेचा व्हिडीओ सध्या सोशल मीडियावर मोठ्या प्रमाणात व्हायरल होतोय.

व्हायरल व्हिडीओ (Viral Video)

या व्हायरल व्हिडिओमध्ये मुलगी तिचं पुस्तक दाखवत आहे. मुलीच्या कानावर मारल्यामुळे रक्तस्राव झाला आणि ते रक्त पुस्तकावर पडलं. शिक्षकानं केलेल्या अमानुष मारहाणीमुळे गंभीर दुखापत झालेल्या मुलीचा कानही दुसऱ्या शिक्षकानं या व्हिडीओत दाखवला आहे. तसेच मुलीच्या कपड्यावर आणि आयडी कार्डवरही रक्ताचे डाग होते, जे शाळेतील दुसऱ्या शिक्षकानं या व्हिडीओमध्ये दाखवले.

రెండవ తరగతి విద్యార్థినిని రక్తం వచ్చేలా కొట్టిన ప్రభుత్వ ఉపాధ్యాయుడు

జగిత్యాల – టీఆర్ నగర్ ఎంపీపీఎస్ స్కూలులో హోం వర్క్ రాయకపోవటంతో విద్యార్థినిని కొట్టిన కుమార్ అనే ఉపాధ్యాయుడు

చెవుల్లో నుండి తీవ్ర రక్తం.. నిలదీసిన పేరెంట్స్. pic.twitter.com/W0nsGVsTzi
— Telugu Scribe (@TeluguScribe) August 21, 2024

हा व्हिडीओ ‘Telugu Scribe’ या अकाउंटवरून शेअर करण्यात आला आहे. या घटनेमुळे शाळेत खळबळ उडाली असून, इंटरनेटवर शिक्षकाविरोधात संतापाची लाट उसळली आहे. लहान मुलाला अशी भयानक शिक्षा देण्याच्या या क्रूर कृत्याबद्दल इंटरनेट वापरकर्त्यांनी शिक्षकावर कठोर कारवाई करण्याची मागणी केली आहे. हा व्हिडीओ बुधवारी (२१ ऑगस्ट) रोजी इंटरनेटवर शेअर करण्यात आला आणि आता तो सोशल मीडियावर मोठ्या प्रमाणात व्हायरल होत आहे.

This quiz is AI-generated and for edutainment purposes only.

या प्रकरणी शिक्षकावर कोणतीही कारवाई झाल्याचं वृत्त नाही. विद्यार्थ्यांना मारहाण करण्याची परवानगी शिक्षकांना नसल्यानं जबाबदार शिक्षकावर कठोर आणि जलद कारवाई करण्यात यावी, असं संतप्त नेटकऱ्यांचं म्हणणं आहे.

Web Title: Viral video of a teacher slapping minor girl student causes ear bleeding dvr