Viral Video: जगातील कुठलाही सजीव असो, प्रत्येक जण आपली भूक भागवण्यासाठी संघर्ष करत असतो. मनुष्य आपली दोन वेळची भूक मिटवण्यासाठी आणि इतर गरजा पूर्ण करण्यासाठी दिवस-रात्र कष्ट करतात, त्याचप्रमाणे हिंस्त्र प्राणीदेखील आपली भूक भागवण्यासाठी जंगलातील प्राण्यांची शिकार करताना दिसतात. दरम्यान, प्राण्यांच्या शिकारीचे व्हिडीओ सोशल मीडियावर तुफान व्हायरल होतात. आतादेखील असाच एक व्हिडीओ समोर आला आहे.
सोशल मीडियावर नेहमी विविध व्हिडीओ आपल्या नजरेस पडतात, ज्यात अनेकदा प्राण्यांचे व्हिडीओ पाहायला मिळतात. बऱ्याचदा जंगलातील प्राण्यांच्या या व्हिडीओंमध्ये कधी हिंस्र प्राणी इतर प्राण्याची शिकार करताना दिसतात, तर अनेकदा काही प्राणी एकमेकांसोबत खेळताना दिसतात. सध्या व्हायरल होत असलेल्या या व्हिडीओमध्ये चित्ता एका कोल्ह्याची शिकार करण्यासाठी जंगलात वाऱ्याच्या वेगाने धावताना दिसत आहे. हा व्हिडीओ सोशल मीडियावर प्रचंड व्हायरल होत आहे.
हा व्हायरल व्हिडीओ एका जंगलातील असून यामध्ये तुम्ही पाहू शकता, एक चित्ता कोल्ह्याची शिकार करण्यासाठी त्याचा पाठलाग करतो. यावेळी तो कोल्ह्यावर झडप घालणारच इतक्यात मागून दुसरा बिबट्या धावत येतो आणि कोल्ह्याचा पाठलाग करतो. त्यानंतर तिसरा बिबट्या तिथे येतो आणि तिघं मिळून त्याच्यावर हल्ला करण्याचा प्रयत्न करतात, पण कोल्हा तिघांच्या तावडीतून सटकतो.
पाहा व्हिडीओ:
हा व्हिडीओ X (ट्विटर) वरील @wildanimalearth98 या अकाउंटवर शेअर करण्यात आला असून याच्या कॅप्शनमध्ये, “तीन चित्त्यांच्यामध्ये अडकलेला कोल्हा” असे लिहिले आहे. या व्हिडीओवर आतापर्यंत एक मिलियनहून अधिक व्ह्युज मिळाल्या असून यावर बारा हजारांहून अधिक लाइक्स मिळाल्या आहेत. तसेच या व्हिडीओवर अनेक युजर्स कमेंट्स करतानादेखील दिसत आहेत.
एका युजरने कमेंटमध्ये लिहिलंय की, “मला वाटतंय ते खेळत आहेत”, तर दुसऱ्या युजरने लिहिलंय की, “पुढे काय झालं त्याचं? “, तर तिसऱ्या युजरने लिहिलंय की, “हा व्हिडीओ पाहून माझ्या अंगावर काटा आला.”
