Viral Video: अनेकदा सार्वजनिक ठिकाणी किंवा दुकानात मौल्यवान सामान, वस्तू चोरल्या जातील अशी भीती प्रत्येकाच्या मनात असते. कारण – अनेकदा चोरटे गर्दीचा फायदा घेत, चोरी करून पळ काढतात आणि मग मोठ्या प्रमाणात नुकसान होते. मेडिकल असो किंवा एखादे किराणामालाचे दुकान प्रत्येक दुकानात सीसीटीव्ही कॅमेरा हा लावलेलाच असतो ; जो अशा चोरांवर लक्ष ठेवण्यास मदत करतो. तर आज सोशल मीडियावर असाच एक व्हिडीओ व्हायरल होत आहे. यात चक्क दोन महिला दुकानात जाऊन अंडी चोरताना दिसून आल्या आहेत.
व्हायरल व्हिडीओ चिकनच्या दुकानाचा आहे. दोन महिला दुकानात चिकनची खरेदी करण्यासाठी गेलेल्या दिसत आहेत. दुकानदार चिकन कापत असतो. पण, या दरम्यान महिला दुकानात ट्रे मध्ये ठेवलेलं एक अंड उचलते. दुकानदार चिकन कापण्यात मग्न असतो. तर याचा फायदा घेऊन महिला आणखीन एक अंड उचलते आणि तिच्या पिशवीत ठेवायला जात असते तितक्यात दुकानदाराला संशय येतो आणि तो मागे वळून बघतो. पुढे नक्की काय घडलं एकदा व्हायरल व्हिडीओतून बघा.
हेही वाचा…“मी मेंटेनन्स भरतो!” खिडकीबाहेर कचरा फेकणाऱ्याची अजब दादागिरी; मुंबई लोकलचा ‘हा’ VIDEO बघाच
व्हिडीओ नक्की बघा…
व्हायरल व्हिडीओत तुम्ही पाहिलं असेल की, महिला दुसरं अंड पिशवीत ठेवायला जाते तेव्हा दुकानदार पटकन मागे बघतो आणि पिशवीत काय ठेवलं असे विचारतो आणि पिशवीत डोकावून पाहतो. दुकानदाराला संशय आला हे कळताच महिला “मी दुसऱ्या दुकानातून अंडी खरेदी केली” असे सांगताना दिसते. महिलेनं नकार दिल्यानंतर दुकानदार सीसीटीव्हीकडे बोट दाखवतो आणि दोन महिला आणि दुकानदारांमध्ये प्रचंड वाद होतो आणि व्हिडीओचा शेवट होतो.
सोशल मीडियावर हा व्हिडीओ @gharkekalesh या एक्स (ट्विटर) अकाउंटवरून शेअर करण्यात आला आहे. दुकानात सीसीटीव्ही कॅमेरा असल्यामुळे घडलेला सर्व प्रकार रेकॉर्ड झाला आहे आणि दुकानदाराच्या हुशारीने दोन्ही महिलांची चोरी पकडली गेली आहे. नेटकरी हा व्हिडीओ पाहून संताप व्यक्त करताना दिसत आहेत आणि ‘सीसीटीव्ही नसता तर या महिलेची चोरी पकडली गेली नसती’ ; असे म्हणताना कमेंटमध्ये दिसून आले आहेत.
