Mumbai virar local viral video: मुंबईची लाइफलाइन असलेल्या लोकलमध्ये नेहमीच जागेच्या वादावरून भांडणं होतांना दिसतात. लोकलमधील गर्दी, चौथ्या सिटसाठी हाणामारी होत असते. गर्दीत धक्का लागल्यानं या महिलांमध्ये इतका वाद झाला की, वादाचं रुपांतर हाणामारीत झालं. एकमेकांचे केस ओढेपर्यंत ही हाणामारी झाली.मुंबईच्या लोकल ट्रेनमधील पुरुष आणि महिलांच्या डब्यात होणारी वादावादी आणि हाणामारी सर्वांनाच माहित आहे. त्यापैकी विरार लोकल या घटनांसाठी कुप्रसिद्धच म्हणावी लागेल. महिलांच्या गुंडगिरीची अशीच घटना पुन्हा एकदा समोर आली आहे, यामध्ये महिलेला विरार लोकलमधला भयानक अनुभव आल्यानंतर तिनं काय केलं पाहाच. याचा व्हिडीओही सध्या सोशल मीडियावर तुफान व्हायरल होत आहे.
या व्हिडीओमध्ये तुम्ही पाहू शकता, विरार स्टेशवर प्लॅटफॉर्म क्रमांक ३ वर ट्रेन उभी आहे, यावेळी त्याठिकाणी महिलांची गर्दी जमलेली दिसत आहे. अशातच यातली एक महिला ट्रेनसमोर उडी मारण्याचा प्रयत्न करत असून वारंवार ट्रेन थांबवण्याचा प्रयत्न करत आहे. ट्रेनमध्ये भांडणं झाल्यानंतर ही महिला आक्रमक झाली असून अशाप्रकारे ती ट्रेन थांबवण्याचा प्रयत्न करत असल्याचं म्हंटलं जातंय. यावेळी कोणतीही दुर्घटना घडण्याची शक्यता आहे मात्र ही महिला कुणाचंही ऐकायला तयार नाही. तुम्हीच सांगा यामध्ये नेमकी चूक कुणाची आहे.
मुंबई लोकल ट्रेनला मुंबईच हृदय म्हणतात. लोकल ट्रेन बंद पडली तर मुंबईच थांबते. अशी ही मुंबईचा जीव असणारी लोकल ट्रेन सध्या वेगळ्याच कारणामुळे चर्चेत आहे. मुंबई लोकलमधील भांडणाचे आणि मारामारीचे सत्र वाढतच चालले आहे. गेल्या काही दिवसांपासून ट्रेनमध्ये झालेल्या मारामारीचे आणि भांडणांचे व्हिडीओ सोशल मीडियावर व्हायरल झाले आहेत. मुंबईतील लोकल ट्रेनमध्ये महिलांमधील हाणामारी काही नवीन नाही. जागेच्या वादातून महिलांमध्ये तुफान मारामारीचे अनेक व्हिडीओ आपण पाहिले आहेत. यावरुन नेहमीच होत असलेल्या अशा प्रसंगांवरून मुंबई लोकलचे हे प्रश्न कधी सुटतील हा प्रश्न पडतो.
पाहा व्हिडीओ
सोशल मीडियावर व्हिडीओ व्हायरल होताच अनेकांनी यावर आपल्या प्रतिक्रिया दिल्या आहेत. एका युजरने कमेंट करत लिहिलं, विरार लोकलचा हा त्रास नेहमीचाच झाला आहे. तर आणखी एकानं, विरार लोकलमध्ये महिलांच्या डब्यात हे प्रकार सतत घडत असून यावर कारवाई करणे गरजेचं असल्याचं म्हंटलंय.
