Viral video: सोशल मीडियावर व्हायरल होण्याची क्रेझ इतकी वाढली आहे की लोकांना काहीही करून व्हायरल व्हायचे आहे. आपली क्रिएटीव्हीटी लोकांपर्यंत पोहोचावी आणि आपले फॉलोअर्स वाढावेत, असा या रील्स बनवणाऱ्यांचा हेतू असतो. रील्सना मिलियनमध्ये व्ह्यूज असतात. या व्ह्यूजसाठी काहीतरी हटके करण्याचा प्रयत्न युजर्सचा असतो, त्यासाठी ते वेगवेगळ्या प्रकारचे रील्स बनवतात. रील्ससाठी काही जण तर अगदी जीवही धोक्यात घालतात. असाच एक व्हिडिओ समोर आला आहे, ज्यामध्ये एक तरुण अक्षरश: रेल्वे रुळाखाली झोपून स्टंटबाजी करताना दिसत आहे.
स्टंटसाठी हल्ली लोक कोणत्याही थराला जायला तयार असतात. या रील्सच्या नादात आतापर्यंत अनेकांनी आपला जीव गमावला आहे. पण, त्यातूनही लोक धडा घेताना दिसत नाही. लोक रीलसाठी कधी स्वत:चा तर कधी इतरांचा जीवदेखील धोक्यात टाकायला अजिबात घाबरत नाहीत. यात हल्ली रेल्वेस्थानक, ट्रेनच्या पटरीवरही अगदी बिधास्तपणे रील व्हिडीओ शूट करत असतात. असाच प्रकार समोर आला आहे
या व्हायरल व्हिडिओमध्ये एक तरुण रील बनवण्यासाठी जीव धोक्यात घालताना दिसत आहे. हा तरुण रेल्वे ट्रॅकवर झोपून आपले दोन्ही हात डोक्याखाली ठेवतात. त्यानंतर त्याच्यावरुन ट्रेन तिथून भरधाव वेगाने जाते. जीव मुठीत घेऊन व्हिडिओ बनवत असल्याचे व्हिडिओमध्ये स्पष्टपणे दिसत आहे. व्हिडिओवरुन असेही वाटते की, रेल्वे रुळ क्रॉस करताना कदाचित तरुण खाली अडकला असावा. परंतु त्याच्या बाहेर येण्याच्या प्रयत्नामुळे भयंकर अपघात घडला असता. त्याची एक चूक त्याला थेट मृत्यूच्या दारात घेऊ गेली असती, मात्र तरीही त्याला कोणतीही काळजी वाटत नाही. त्यामुळे, सेल्फी घेण्यासाठी धडपडणारा युवा वर्ग आता रील्स बनवण्यासाठी आणि तो सोशल मीडियावर शेअर करुन नेटीझन्सचं अटेंशन मिळवण्याचा प्रयत्न करत असतो. यापूर्वी रील बनवताना रेल्वेची धडक बसून अनेक तरुणांचा मृत्यू झालाय..असे असतानाही लोक रेल्वेच्या भोवती अशा रिल तयार करताना दिसतात.
पाहा व्हिडीओ
काही लोक लाइक्स आणि व्ह्यूजच्या शर्यतीत आपला जीव धोक्यात घालण्यासही मागेपुढे पाहत नाहीत. असंच या तरुणानंही केलं. हा व्हिडीओ सोशल मीडियावर व्हायरल झाला असून नेटकरीही संताप व्यक्त करत आहेत.
