समीर वानखेडे मुस्लीम असल्याच्या मौलानांच्या दाव्यावर क्रांती रेडकरची प्रतिक्रिया; म्हणाली, “ते…”

समीर वानखेडे, त्यांचे वडील हे मुस्लिम असल्याचे काझी मुजम्मिल अहमद यांनी म्हटले आहे

Kranti Redkar reaction to Maulana claim that Sameer Wankhede is a Muslim

अभिनेता शाहरुख खानचा मुलगा आर्यन खान याला ड्ग्ज प्रकरणात अटक केल्यानंतर करण्यात आलेल्या लाचखोरीच्या आरोपांमुळे वादात सापडलेले अमली पदार्थ नियंत्रण विभागाचे (एनसीबी) विभागीय संचालक समीर वानखेडे आता नव्या संकटात सापडण्याची चिन्हे आहेत. कारण समीर वानखेडे मुस्लिम असल्याचा दावा करण्यात येत आहे. समीर वानखेडे यांचा पहिला निकाह लावणारे काझी मुजम्मिल अहमद यांनी हा दावा केला आहे.

समीर वानखेडे, त्यांचे वडील हे मुस्लिम असल्याचे काझी मुजम्मिल अहमद यांनी म्हटले आहे. समीर वानखेडे हे मुस्लिम होते. जर हिंदू असल्याचं सांगितलं असतं तर मी निकाह लावून दिलाच नसता. समीर मुसलमान होता, त्याचे वडील दाऊद मुसलमान होते, शबाना मुसलमान होती आणि तिचे वडिलही मुस्लिम होते. निकाहनामा सुद्धा बरोबर आहे. लोखंडवाला येथील एका हॉलमध्ये हा निकाल मोठ्या उत्साहात पार पडला होता, असे मुजम्मिल अहमद यांनी म्हटले आहे. त्यावर आता समीर यांची पत्नी आणि अभिनेत्री क्रांती रेडकरने याबाबत आपलं मत व्यक्त केलं आहे.

“समीर वानखेंडेंनी अशा कोणत्याही कागदपत्रांवर सही केली नव्हती ज्यामुळे त्यांचा धर्म बदलेल. ते तेव्हाही हिंदू होते आणि आजही हिंदू आहेत. त्यांची जात ही जात प्रमाणपत्राप्रमाणे महार आहे. ज्याचे पुरावे समीर यांच्या वडिलांनी सर्वांसमोर आणले आहेत,” असे समीर यांची पत्नी आणि अभिनेत्री क्रांती रेडकरने म्हटले आहे.

समीर वानखेडेंचे लग्न लावणाऱ्या मौलांनानी दावा केला की समीर वानखेडे आणि त्यांचे वडील मुस्लिम आहेत. त्यावर क्रांती रेडकरेन भाष्य केले आहे. “ते मौलाना भारतीय संविधानापेक्षा मोठे आहेत का? संविधानातर्फे जे प्रमाणपत्र मिळाले आहे हा भारत फक्त त्यालाच मानतो. त्यामध्ये ते हिंदू आहेत असे लिहिले आहे. नवाब मलिक जर कायदेशीर लढाई लढायला गेले तरी ते हिंदूच आहेत,” असे क्रांती रेडकर म्हणाली.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व Uncategorized बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Kranti redkar reaction to maulana claim that sameer wankhede is a muslim abn

Next Story
पक्षांतर्गत राजकारणाला कंटाळून राष्ट्रवादीच्या प्रवक्त्याचा राजीनामा
ताज्या बातम्या