भारत-रशियाच्या हातमिळवणीमुळे दोन्ही देशांचा विकास-मोदी

Prime Minister Narendra Modi, in Vladivostok, Russia: India-Russia friendship is not restricted to their respective capital cities. We have put people at the core of this relationship. pic.twitter.com/z3t1u00ZNN

— ANI (@ANI) September 4, 2019

दोन्ही देशांच्या अंतर्गत प्रकरणांमध्ये भारत आणि रशिया हे दोन्ही देश इतरांचा हस्तक्षेप पसंत नाही हेदेखील मोदींनी स्पष्ट केले. भारताने जम्मू काश्मीरमधून अनुच्छेद ३७० हटवल्याबद्दल भारताचे रशियाने अभिनंदन केले होते. तसेच भारताने उचलेले हे पाऊल योग्य असल्याचेही म्हटले होते. हाच धागा पकडून पंतप्रधान नरेंद्र मोदी यांनी दोन्ही देशांच्या अंतर्गत प्रकरणांमध्ये इतर कोणत्या देशाची ढवळाढवळ पसंत केली जाणार नाही हे देखील स्पष्ट केले. पंतप्रधान नरेंद्र मोदी यांचा रोख अमेरिकेकडे होता हे वेगळे सांगण्याची गरज नाही.

भारताने काश्मीरमधून अनुच्छेद ३७० हटवल्यापासून पाकिस्तानचा तिळपापड झाला आहे. इम्रान खान आणि पाकिस्तानचे परराष्ट्र मंत्री यांच्याकडून विविध वक्तव्य केली जात आहेत. अशात भारताने उचललेलं हे पाऊल योग्य आहे असं रशियानं म्हटलं होतं. त्याचीच आठवण करुन देत मोदींनी अमेरिकेचे राष्ट्राध्यक्ष डोनाल्ड ट्रम्प यांना सुनावलं आहे. भारत आणि रशिया हे दोन्ही देश त्यांच्या अंतर्गत प्रकरणांमध्ये कोणताही बाहेरचा हस्तक्षेप पसंत करणार नाहीत हे मोदींनी म्हटलं आहे. ट्रम्प यांनी काश्मीर प्रश्न सोडवण्यासाठी आपण भारत आणि पाकिस्तानमध्ये मध्यस्थीस इच्छुक आहोत असं म्हटलं होतं. त्यांनाच हा टोला मोदी यांनी लगावला आहे.