ईमारतीच्या गच्चीवरून पडून १३ वर्षीय मुलाचा मृत्यू

ईमारतीच्या गच्चीवरून पडून १३ वर्षीय शाळकरी मुलाचा मृत्यू झाल्याची घटना भाईंदर येथे सोमवारी संध्याकाळी घडली आहे.

( संग्रहित छायाचित्र)/ लोकसत्ता

भाईंदर: ईमारतीच्या गच्चीवरून पडून १३ वर्षीय शाळकरी मुलाचा मृत्यू झाल्याची घटना भाईंदर येथे सोमवारी संध्याकाळी घडली आहे. याप्रकरणी नवघर पोलिसांनी अपमृत्यूची नोंद केली आहे.भाईंदरच्या पुर्वेच्या बी.रोड. परिसरात पारिजात ही चार मजली इमारत आहे. सोमवारी याच इमारतीत राहणारा जतीन परमार (१३) हा मुलगा इमारतीच्या गच्चीवर खेळायला गेला होता.

४ च्या सुमारास तो गच्चीच्या कठड्यावर बसला असताना त्याचा तोल जाऊन तो खाली पडला. त्याला उपचारासाठी जवळच्या खासगी रुग्णालयात दाखल करण्यात आले. तेथे उपचारादरम्यान डॉक्टरांनी त्याला मृत घोषीत केले. या दुर्घटनेप्रकरणी अपमृत्यूची नोंद केल्याची माहिती नवघर पोलीस ठाण्याचे वरिष्ठ निरीक्षक प्रकाश म्हसाळ यांनी दिली आहे

First published on: 12-07-2023 at 20:40 IST

TOPICSभाईंदर Bhayander मृत्यू Death

Vasaivirar News (वसई विरार न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.

Web Title: A 13 year old boy died after falling from the roof of a building amy