मीरा रोडमधील गंधर्व बार जमीनदोस्त

मीरा रोड येथील गंधर्व बार शुक्रवारी पालिकेच्या अतिक्रमणविरोधी पथकाने जमीनदोस्त केला.

बारमध्ये विद्युत दरवाजा असलेली गुप्त खोली

वसई : मीरा रोड येथील गंधर्व बार शुक्रवारी पालिकेच्या अतिक्रमणविरोधी पथकाने जमीनदोस्त केला. या बारमध्ये बारबाला लपविण्यासाठी अनधिकृत बांधकाम करून गुप्त खोल्या तयार केल्याचे आढळून आले.

मीरा रोड आणि भाईंदर शहरात असलेल्या बारमध्ये छुप्या पद्धतीने डान्स बार सुरू असतात. गुरुवारी रात्री गुन्हे शाखा १ च्या पथकाने कारवाई करून मीरा रोड येथील गंधर्व बारवर कारवाई केली होती. यावेळी २५ बारबाला आणि ग्राहक अश्लील कृत्य करताना आढळले होते. यानंतर शुक्रवारी पालिकेने या बारवर कारवाई करून बार जमीनदोस्त केला. या बारमध्ये गुप्त खोल्या तयार करण्यात आल्याची माहिती पोलीस उपनिरीक्षक हितेंद्र विचारे यांनी दिली. यानंतर शुक्रवारी पालिकेने कारवाई करून बार जमीनदोस्त केला.

विद्युत दरवाजा असलेली गुप्त खोली

विशेष म्हणजे या बारमध्ये विद्युत दरवाजा तयार करून गुप्त खोली तयार करण्यात आली होती. बारविरोधात आमची कारवाई सुरूच राहणार आहे, अशी माहिती उपायुक्त मारुती गायकवाड यांनी दिली.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व वसई विरार बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Gandharva bar liquor mira road ysh

ताज्या बातम्या