१९१ ट्रेनद्वारे अडीज लाख परप्रांतीय स्वगृही – अनिल देशमुख

महाराष्ट्रातून आजवर १९१ रेल्वेगाड्यांद्वारे २, ४५, ००० स्थलांतरित कामगारांना त्यांच्या राज्यात पाठवण्यात आलं आहे. यामध्ये उत्तर प्रदेश, राजस्थान, कर्नाटक, मध्य प्रदेश, ओडिशा, झारखंड, जम्मू-काश्मिर आणि आंध्र प्रदेश या राज्यांतील कामगारांचा समावेश आहे. या सर्व परप्रांतीयांना पाठवण्यासाठी मुख्यमंत्री सहाय्यता निधीतून ५५ कोटी रुपये मुख्यमंत्र्यांनी मंजूर केले आहेत. दरम्यान, कुठल्याही कामगाराकडून तिकिटाचे पैसे घेतले जात नाहीत, अशी माहिती गृहमंत्री अनिल देशमुख यांनी दिली.