Nitish Kumar and PM Modi: नितीश कुमारांच्या भाषणादरम्यान मोदी पोट धरून हसले!, पाहा नेमकं घडलं काय?

बिहारमध्ये मुख्यमंत्री नितीश कुमार यांनी काही दिवसांपूर्वी पुन्हा एकदा एनडीएत घरवापसी केली. त्यानंतर आज पहिल्यांदाच पंतप्रधान नरेंद्र मोदी यांच्या उपस्थितीत बिहारच्या औरंगाबाद येथे जाहीर सभा संपन्न झाली. या सभेत भाषण करत असताना मुख्यमंत्री नितीश कुमार म्हणाले, “तुम्ही (पंतप्रधान मोदी) मागच्यावेळी बिहारमध्ये आला होतात, तेव्हा मी दुसरीकडे (महागठबंधन) गेलो होतो. पण आता परत आलो आहे. मी आता तुम्हाला आश्वासन देतो की, यापुढे मी कुठेही जाणार नाही. मी एनडीएतच राहणार आहे.” नितीश कुमार यांनी ही कबुली देताच मंचावर बसलेल्या पंतप्रधान मोदी यांना आपले हसू आवरता आले नाही. ते मोठमोठ्या हसून नितीश कुमार यांच्या विधानाचा आनंद घेताना दिसले.