केंद्रीय मंत्री रामविलास पासवान यांच्या नेतृत्वाखालील लोकजनशक्ती पार्टीने महाराष्ट्रात विधानसभा निवडणुकीत भाजपच्या नेतृत्वाखालील एनडीएचा प्रचार करण्याचे ठरविले आहे. हरयाणातही लोकजनशक्ती पार्टी भाजपचा प्रचार करणार आहे.
लोकजनशक्ती पार्टीच्या मध्यवर्ती संसदीय मंडळाची बैठक चिराग पासवान यांच्या नेतृत्वाखाली पार पडली. त्यामध्ये भाजपप्रणीत एनडीएच्या उमेदवारांना विधानसभेच्या निवडणुकीत पाठिंबा देण्याचा निर्णय पक्षाने घेतला. देशातील प्रत्येक राज्यात पंचायत आणि महापालिका निवडणुका लढण्याचा निर्णयही या बैठकीत घेण्यात आला.