‘काय मस्त गोल मारलाय यार याने.. कमालच!’ रात्री दोन वाजता डोळे ताणून टीव्हीसमोर बसून अशी प्रतिक्रिया येणे ही हल्ली अत्यंत स्वाभाविक गोष्ट झाली आहे. यालाच आम्ही फिफा फीवर म्हणतो. सध्या सगळीच मुलं या फुटबॉल तापाने फणफणली आहेत. हो.. पण या तापाचेही प्रकार आहेत बरं का. कुणी खरंच खेळाच्या वेडात तापलेला, कुणी नुसताच खेळाडूवरच्या प्रेमाच्या साथीत अडकलेला, कुणाला संसर्गानं भरलेला ताप तर कुणाचा ताप कायम अंगात भिनलेला..
या तापात मुलींचा ताप मात्र वेगळाच! मुलींना काय कळतं फुटबॉलमधलं, त्या फक्त खेळाडूंचं दिसणं बघतात आणि त्यावरूनच फेव्हरेट प्लेअर ठरवतात, अशी सर्वसाधारण भावना. मनापासून खेळ पाहणाऱ्या मुलींसाठी हा आता गरम चर्चेचा विषय झालाय. मुलींची फुटबॉल क्रेझ या विषयावर वेगळी मतं मांडणारे हे लेख..