चटकदार फराळाला मटकदार तडका!

शेव भात

साहित्य – तयार शेव २ वाटय़ा, तांदूळ २ वाटया, हळद पाव चमचा, तिखट, मीठ चवीनुसार, कढीपत्ता १ काडी, मोहरी अर्धा चमचा, बारीक चिरलेला लसूण २ चमचे, दही २ चमचे.

कृती – तांदूळ धुऊन शिजत ठेवा. त्यामध्ये हळद, मीठ, दही व तेल टाका. तांदूळ ९० टक्के शिजल्यानंतर त्यात तयार शेव घाला. मंद आचेवर भात पूर्णपणे शिजवून त्यावर हिंग, मोहरी व लसूणाची फोडणी घालून चिंचेच्या कढीबरोबर खायला द्या.

आमचूर कढी – १ चमचा आमचूरमध्ये २ वाटया पाणी मिसळून ठेवा. पॅनमध्ये २ चमचे घेऊन त्यात जिरे पावडर, हळद, तिखट, हिंग, गूळ, मीठ व कढीपत्ता घालून त्यामध्ये आमचूरचे पाणी घाला. उकळी आल्यावर गॅस बंद करा. घट्ट करण्यासाठी थोडे बेसन लावू शकता.

चकली पकोडा

साहित्य : उरलेल्या चकल्याचे तुकडे २ वाटय़ा, ब्रेड ५ ते ६ नग, कोिथबीर ४ चमचे, मीठ चवीनुसार, दही २ चमचे.

कृती : उरलेल्या चकल्याचे तुकडे मिक्सरवर बारीक करून घ्या. त्यामध्ये पिठाच्या अध्रे ब्रेडक्रम्स, थोडे दही, मीठ व कोिथबीर घालून मिश्रण भिजवा. नंतर त्याचे मंद आचेवर पकोडे तळून घ्या. चटणी बरोबर खायला द्या.

वेफर्सची भजी

साहित्य – उरलेले वेफर्स १ वाटी, बेसन अर्धी वाटी, मदा १ चमचा, सोडा पाव चमचा, कोथिंबीर २ चमचे, मीठ चवीनुसार, तिखट चवीनुसार.

कृती – वेफर्सला तिखट चोळून ठेवा. बेसन, मदा, सोडा, मीठ व कोथिंबीर एकत्र करुन मिश्रण घट्ट भिजवून घ्या. नंतर यात वेफर्स बुडवून मंद आचेवर डीप फ्राय करा.

शेव भाजी

साहित्य – तुरकाटी शेव १ वाटी (ही शेव बाजारात मिळते किंवा घरी सोडा न टाकता ही शेव घरी बनवावी), आलं-लसूण पेस्ट ४ चमचे, भाजलेल्या कांद्याची पेस्ट अर्धी वाटी, हळद, तिखट चवीनुसार, धणे-जीरे पावडर १-१ चमचा, तमालपत्र ४-५, भाजून वाटलेले सुकं खोबरं पाव वाटी, भिजवलेली खसखस पाव वाटी, काळा मसाला १ चमचा.

कृती – खसखस, खोबरं, कांद्याची पेस्ट व आलं-लसूण पेस्ट एकत्र वाटून घ्या. पॅनमधे तेल घेवून त्यात तमालपत्र व वाटलेला मसाला घालून छान परतून घ्या. तेल सुटल्यावर हळद, तिखट, धणे-जीरे पावडर टाकून चांगले परता. थोडे पाणी घाला. चांगले तेल सुटल्यावर त्यात गरम मसाला व चवीनुसार मीठ घालून पुन्हा गरम पाणी घालून उकळा. रस्सा थोडा पातळसर ठेवा. भाजी वाढताना त्यामधे वेळेवर शेव घालून वाढा.

शंकरपाळ्यांचे कुकीज

साहित्य – शंकरपाळे २ वाटय़ा, खोबरा कीस १ वाटी, दूध १ वाटी, बेकिंग पावडर १ चमचा, मीठ चवीनुसार, खोबरा काप पाव वाटी.

कृती – शंकरपाळे बारीक करून त्यामध्ये खोबरा कीस, मीठ, वेलची पावडर, बेकिंग पावडर व थोडे दूध घालून मिश्र-णाचा घट्ट गोळा करा. नंतर याची जाड पोळी लाटून साच्याने बिस्किटे पाडून घ्या. त्यावर खोबरा काप घालून १८० डिग्रीवर १५ ते २० मिनिटे बेक करा.

चकली बाईट

साहित्य – चकल्यांचे तुकडे १ वाटी, मिल्क पावडर अर्धी वाटी, मिक्स हर्ब्स् अर्धा चमचा, मीठ चवीनुसार, सायट्रीक अ‍ॅसिड १ चमचा, तिखट चवीनुसार, लसूण पावडर पाव चमचा.

कृती – चकली सोडून सर्व मसाले मिक्सरमध्ये बारीक करा. नंतर चकलीचे तुकडे मायक्रोवेव्ह ओव्हनला अर्धा मिनिट लावून त्यामध्ये मिक्सरमध्ये बारीक केलेली पावडर मिसळून खालीवर करा. थंड करून डब्यात भरून ठेवा.

संकलन : मितेश जोशी

viva@expressindia.com