नागरदेवळे (ता. नगर) येथील माउली गो आश्रमशाळेत ७ फूट लांबीचा अजगर आढळला. सर्पमित्रांनी त्याला कौशल्याने पकडून वनाधिकाऱ्यांच्या मदतीने पुन्हा निसर्गात मुक्त केले. वाइल्ड लाइफ प्रोटेक्शन अँड सोशल वर्क सोसायटीचे आकाश जाधव यांना शाळेचे अंबादास शिर्के यांनी या अजगराविषयी माहिती दिली. जाधव त्यांचे सहकारी भरत वाकळे, शरद शिंदे, शाहिद पठाण, नवाज शेख, अतुल पाखरे आदींनी अजगरास पकडले. नागरिकांनी कोठेही सर्प आढळल्यास त्यांना मारू नये, त्यासाठी संस्थेशी (मो. ९२०९६४०००६) संपर्क करावा, असे आवाहन करण्यात आले आहे.