01 December 2020

News Flash

खून सत्रामुळे कोल्हापुरातील भिकाऱ्यांची रवानगी आता पुण्यातील बेगर्स होमकडे

भिकारी, बेवारस यांच्या खून सत्रामुळे हादरलेल्या कोल्हापूर पोलिसांनी आता भिकारी मुक्त शहर करण्याचा विडा उचलला आहे. या अंतर्गत तीन भिकाऱ्यांची एक तुकडी शनिवारी पुण्यातील बेगर्स

| June 23, 2013 01:50 am

भिकारी, बेवारस यांच्या खून सत्रामुळे हादरलेल्या कोल्हापूर पोलिसांनी आता भिकारी मुक्त शहर करण्याचा विडा उचलला आहे. या अंतर्गत तीन भिकाऱ्यांची एक तुकडी शनिवारी पुण्यातील बेगर्स होमकडे रवाना करण्यात आली. शहरातील भिकाऱ्यांचे समूळ उच्चाटन करण्याचे आव्हान पोलीस व जिल्हा प्रशासनासमोर उभे आहे.    
शहरामध्ये गेल्या काही दिवसामध्ये खून सत्राची मालिका सुरू झाली आहे. यामध्ये ११ जणांना प्राण गमवावा लागला आहे. हा सीरियल किलरचा प्रकार असल्याची चर्चा आहे. खून झालेल्यांतील बहुतेक सर्व जण भिकारी व बेवारस आहेत. हल्लेखोरांकडून याच लोकांना पुन्हा लक्ष केले जाऊ नये यासाठी पोलीस यंत्रणा सावध झाली आहे. त्यातूनच भिकाऱ्यांना एकत्रित करून त्यांची रवानगी पुण्याला करण्याच्या हालचाली सुरू आहेत.
शनिवारी या कामासाठी शहरातील पोलीस कार्यरत झाले होते. महालक्ष्मी मंदिर, तेथील शनिमंदिर या परिसरात भीक मागणाऱ्या भिकाऱ्यांना पोलिसांनी पकडले. तर शनिमंदिरासमोर काही कुष्टरोगी भीक मागत होते. त्यांना एकत्रित करून शहरातील शेंडापार्क येथे असलेल्या कुष्ठधाममध्ये पाठविण्यात आले.
    भीक मागणे हा कायद्याने गुन्हा आहे. त्यामुळे भीक मागणाऱ्या भिकाऱ्यांवर कारवाई करण्याचे प्रशासनाने ठरविले आहे. तीन भिकारी आज पुण्यातील बेगर्स होमकडे पाठविण्यात आले आहेत, अशी माहिती लक्ष्मीपुरी पोलीस ठाण्याचे निरीक्षक प्रताप पोमण यांनी दिली.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 23, 2013 1:50 am

Web Title: send beggars to beggars home in pune due to serial killing of kolhapur
Next Stories
1 पेठवडगाव पालिकेच्या एका जागेसाठी आज मतदान
2 टोलविरोधातील बैठक आरोप-प्रत्यारोपांनी गाजली
3 मधुकर पिचड यांना दिलेला न्याय सोलापूरच्या कोळी बांधवांनाही हवा
Just Now!
X