पोहता येत नसताना पोहण्यास गेलेल्या दोघांचा नीरा नदीच्या पात्रात बुडून मृत्यू झाला. हा प्रकार आज दुपारी साडेबारा वाजण्याच्या सुमारास राऊतनगर (अकलूज) नजीक घडला.असगर निसार ईराणी वय १४ व सोनू उर्फ महेश चौगुले वय १४ हे अकलूज येथील अकलाई विद्यामंदिरात इयत्ता ९ वीमध्ये शिकत होते. शाळेला गांधी जयंतीची सुट्टी असल्याने हे दोघे इतर मित्रांसमवेत जवळच असणाऱ्या नीरा नदीत पोहण्यास गेले होते. या दोघांनाही पोहता येत नसताना पात्रात उतरल्याने ते गाळात रुतत गेले व त्यातच त्यांचा अंत झाला. इतर मित्रांनी आरडाओरडा केला. मात्र उपयोग झाला नाही. अकलूज पोलिसात अकस्मात निधनाची नोंद झाली आहे.
