डोंबिवली रेल्वे स्थानकाच्या चहुबाजूंनी फेरीवाल्यांनी घुसखोरी केली आहे. रेल्वे स्थानकाचे प्रवेशद्वार, पादचारी पुलावर फेरीवाल्यांचे अतिक्रमण झाले आहे. रेल्वे सुरक्षा बलाचे जवान रेल्वे स्थानकात फिरताना दिसतात. पण रेल्वेचे पादचारी पूल, जिने अडवून बसलेल्या फेरीवाल्यांवर कारवाई करीत नाहीत. विष्णुनगर भागात रेल्वे स्थानकाचे प्रवेशद्वार अडवून फळ विक्रेते बसतात. या विक्रेत्यांच्या बाजूला रेल्वे स्टेशन मास्तर बसतात. या सर्व अधिकाऱ्यांचे फेरीवाल्यांबरोबर संगनमत असल्याचे बोलले जाते. या सर्व प्रकाराची रेल्वे अधिकाऱ्यांनी दखल घेतली नाही तर आंदोलन छेडण्याचा इशारा भारतीय जनता पक्षाने दिला आहे.