27 June 2017

News Flash

मुनगंटीवारांना गोपीनाथ मुंडे स्मारकाचा विसर

विविध स्मारकांसाठी २०० कोटींचा निधी

खास प्रतिनिधी, औरंगाबाद | Updated: March 20, 2017 1:02 AM

सुधीर मुनगंटीवार

विविध स्मारकांसाठी २०० कोटींचा निधी

भाजपचे ज्येष्ठ नेते गोपीनाथ मुंडे यांच्या स्मारकाला या अर्थसंकल्पातही तरतूद करण्यात आलेली नाही. त्याचबरोबर ऊसतोड मजुरांसाठी घोषित केलेल्या महामंडळासही निधी देण्यात आलेला नाही. दोन वर्षांपासून या दोन्ही घोषणा करण्यात आल्या होत्या. स्मारकासाठी तर दूध डेअरीजवळील जागाही निश्चित करण्यात आली, मात्र त्यास निधी दिला गेला नाही. विशेष म्हणजे राज्यातील इतर सर्व स्मारकांसाठी तब्बल २०० कोटींची तरतूद करण्यात आली आहे. गोपीनाथ मुंडे यांचे नाव असणाऱ्या एकाही संस्थेला आर्थिक तरतूद न करता जुन्या राजकारणाचे उट्टे काढले जात असल्याचा सूर मराठवाडय़ातून उमटू लागला आहे. भाजपचे प्रदेशाध्यक्ष असताना मुनगंटीवार यांना हटवण्यासाठी गोपीनाथराव अग्रेसर होते. त्यामुळेच त्यांच्या नावाला पद्धतशीरपणे डावलले जात असल्याचे सांगितले जात आहे.

या दोन्ही घोषणा गेल्या वर्षी करण्यात आल्या होत्या. त्या पूर्ण करण्यास आम्ही कटिबद्ध आहोत, असे भाजपचे प्रवक्ते शिरीष बोराळकर यांनी सांगितले. या दोन्ही घोषणांसाठी निधी मिळाला आहे की नाही, याची खातरजमा वित्तमंत्र्यांशी केली. त्यांनी स्मारकासाठी कटिबद्ध असल्याचे सांगितल्याचे बोराळकर म्हणाले. निधी न देताच या दोन्ही घोषणा अंमलबजावणीमध्ये कशा येणार या प्रश्नाचे उत्तर कोणाकडेच नसल्याने गोपीनाथरावांचे नाव वगळून असा एककलमी कार्यक्रम भाजपचे वरिष्ठ नेते अवलंबत असल्याची चर्चा सुरू आहे. स्मारकाच्या मागणीचा तसा पाठपुरावाही मराठवाडय़ातील आमदारांनी केला नाही.

गोपीनाथरावांचे नाव घेऊन काही मागणी केल्यास वरिष्ठांना ते आवडेल की नाही, अशी शंका अनेक आमदारांच्या मनात आहे. कार्यकर्तेही उगीच आपण कशाला यात पडा, या भूमिकेत असल्याने स्मारक आणि ऊसतोडणी महामंडळ या दोन्ही घोषणांसाठी निधी मिळू शकलेला नाही. राज्याच्या अर्थसंकल्पात बाळासाहेब ठाकरे यांच्यासह विविध स्मारकांसाठी निधीची घोषणा आहे, मात्र त्यातून नेते गोपीनाथ मुंडे यांचे नाव पद्धतशीरपणे बाजूला ठेवण्यात आले आहे.

स्मारकाच्या निधीबाबतची माहिती घेण्यासाठी ग्रामविकासमंत्री पंकजा मुंडे यांच्याशी संपर्क करण्याचा प्रयत्न केला असता त्या परदेशी असल्याचे सांगण्यात आले. बजेट बुकमध्ये पाहिल्याशिवाय या दोन्ही घोषणांच्या अनुषंगाने निधी देण्यात आला आहे किंवा कसे हे सांगता येणार नाही, असे त्यांच्या कार्यालयातून सांगण्यात आले.

First Published on March 20, 2017 1:02 am

Web Title: sudhir mungantiwar gopinath munde
  1. M
    mumbaikar
    Mar 20, 2017 at 4:44 am
    कसली स्मारके बांधताहेत? एक दिवस कर्जाच्या बोजामुळे राज्य नेाबूत होऊन त्याचे स्मारक बांधायची वेळ येईल. स्मारके बांधून आदर्श विचार जागवले जात नाही तर ते विचार दैनंदिन जीवनात आणणे गरजेचे आहे. तेच होत नाही मग स्मारकांवर खर्च करायचा आणि तो पुन्हा जनतेकडून कररुपात वसूल करायचे हे धंदे बंद करा आता.
    Reply
    1. R
      Ramesh Sarang
      Mar 20, 2017 at 5:07 am
      नेत्यांची स्मारके नकोत. त्यांचे कामच हे स्मारक असेल. आणखी ३०-४० वर्षांनी कांही नेत्यांची नातवंडे आपल्या मित्रांना सांगतील की माझ्या आजोबानी मुंबई गोवा महामार्ग चौपदरी केला, रेवस - रेड्डी नवीन सागरी महामार्ग बांधला. कोंकण रेल्वेचे दुपदरीकरण आणि विधुतीकरण केले,
      Reply
      1. R
        Ramesh Sarang
        Mar 20, 2017 at 4:51 am
        नेत्यांचे काम हेच स्मारक असते. महाराष्ट्र राज्य हे आचार्य अत्रे, एस एम जोशी आणि कॉ. डांगे यांची देणगी आहे. आर आर पाटील म्हणजे भ्रष्टाचाराच्या महासागरात उडी घेऊनही स्वतःच्या अंगाला पाण्याचा एक थेम्बही न लागू देणारा महान नेता होता. वसंतराव नाईक ११ वर्षे महाराष्ट्राचे मुख्यमंत्री होते. त्यांनी हरित क्रांती केली होती. त्या ११ वर्षात एकाही शेतकऱ्याने आत्महत्या केली न्हवती. भाजप सरकारने दाऊदला हिंदुस्तानात फ़रफ़टून आणणे हीच गोपीनाथ मुडेंना वाहिलेली श्रद्धांजली आणि त्यांचे स्मारक असेल.
        Reply
        1. R
          Ramesh Sarang
          Mar 20, 2017 at 4:34 am
          राजकीय नेत्यांचे काम हेच त्यांचे स्मारक असते. जसे कोंकण रेल्वे हे स्वर्गीय प्रा.मधुदंडवतेंचे स्मारक आहे. तसेच गोवा येथील कोंकणरेल्वेची टनेल इन्स्टिटयूट ही जॉर्जे फर्नांडिस यांचे स्मारक आहे. (स्वतः कोणतेही श्रेय न घेणारे सध्याचे रेल्वे मंत्री श्री सुरेश प्रभू यांनी ह्या इन्स्टिटयूटला जॉर्जे फर्नांडिस यांचे नाव दिले). गोपीनाथ मुंडेंचे स्मारक तर मग विलासराव देशमुख, आर आर पाटील, वसंतराव नाईक यांचे स्मारक का नको.
          Reply
          1. S
            Shriram
            Mar 20, 2017 at 3:47 am
            दहा कोटीत सर्वच स्मारकांचे काम चालू आहे असा देखावा उभा करून उरलेली १९० कोटींची रक्कम तूट भरून काढण्यासाठी अथवा अन्य चांगल्या कामांसाठी वापरावी.. मुंडे, बाळासाहेब या सारख्यांच्या स्मारकांची ५० टक्के रक्कम कुटुंबीयांनी भरावी आणि ५० टक्के सरकार भरेल असा नियम बनवल्यास आपोआप खर्चावर नियंत्रण येईल. नाहीतरी ज्यांची स्मारके उभारायची त्यांनी हयात असताना माया जमवलेली असतेच. तेव्हा जनतेवरील भुर्दंड कमी करावा.
            Reply
            1. Load More Comments