Hardik Pandya Car Collection: भारतीय क्रिकेटपटू हार्दिक पांड्याच्या ताफ्यात आहेत ‘या’ लक्झरी कार्स, किंमत पाहून व्हाल थक्क

हार्दिक पांड्याचे कार कलेक्शन

Lamborghini Huracan EVO

Lamborghini Huracan EVO ही हार्दिक पांड्याकडे असणाऱ्या कर कलेक्शनमधील सगळ्यात महागडी आणि लक्झरी कार आहे. ही कार टू-सीटर या प्रकारातील आहे. याची किंमत ३.२ कोटी (एक्सशोरूम) रुपये इतकी आहे. या कारमध्ये ५.२ लिटरचे V10 इंजिन देण्यात आले आहे. ज्यामुळे या कारच्या चारही चाकांना ताकद मिळते. या कारमधील इंजिन ६३१ बीएचपी पॉवर आणि ६०० एनएम टॉर्क जनरेट करते. ही कार केवळ २.९ सेकंदात व ते १०० किमी पर्यंत स्पीड पकडू शकते असा कंपनीचा दावा आहे. याबाबतचे वृत्त Financial Express ने दिले आहे.

हेही वाचा : Hyundai Car Discounts: ह्युंदाईच्या ‘या’ कार्सवर मिळतोय जबरदस्त डिस्काउंट, एकदा पाहाच

Mercedes-Amg G 63

हार्दिक पांड्याकडे असलेल्या कर कलेक्शनमधील दुरी कार आहे ती म्हणजे मर्सिडीज AMG G 63. या कारची किंमत देखील २.५ कोटी रुपये इतकी आहे. मर्सिडीज AMG G 63 कार मल्टिपल पॉवरट्रेनसह लॉन्च करण्यात आले आहे. याच्या टॉप फीचर्स असणाऱ्या ग्रँड एडिशनमध्ये ४.० लिटरचे V8 हे इंजिन देण्यात आले आहे. हे इंजिन ५७७ बीएचपी पॉवर आणि ८५० एनएम टॉर्क जनरेट करते.

रेंज Rover Vogue

एसयूव्ही रेंज रोव्हर Vogue ही कार हार्दिक पांड्याच्या कार कलेक्शनमधील तिसऱ्या क्रमांकाची कार आहे. सामान्यतः अधिकतर सेलिब्रेटींजकडे असणाऱ्या कार्समध्ये एक लँड रोव्हरचा समावेश असतो. हार्दिक पांड्याकडे असणाऱ्या Vogue ची किंमत २.३ कोटी रुपये इतकी आहे. यामध्ये अनेक प्रकारचे इंजिन पर्याय उपलब्ध आहेत. टॉप मॉडेलमध्ये ४.४ लिटरचे ट्वीन टर्बो V8 इंजिन देण्यात आले आहे जे ५२३ बीएचपी पॉवर आणि ७५० एनएम टॉर्क जनरेट करतात.

हेही वाचा : Petrol-Diesel Price on 14 October: अनेक शहरात पेट्रोल-डिझेलचे दर जैसे थे! तुमच्या शहरात झाली का घट, येथे पाहा…

Audi A6

हार्दिक पांड्याच्या कार कलेक्शनमध्ये Audi A6या सेडानचा देखील समावेश आहे. सध्या भारतात या कारची किंमत ६१ लाख रुपये आहे. ही कार अनेक व्हेरिएंटमध्ये उपलब्ध आहे. या कारमध्ये २.० लिटरचे टर्बोचार्ज पेट्रोल इंजिन देण्यात आले आहे. हे इंजिन २६१ बीएचपी पॊवर आणि ३७० एनएम टॉर्क जनरेट करते.