Mahindra च्या 'या' सर्वात स्वस्त ऐसपैस स्पेसच्या ७ सीटर SUV समोर बाकी सगळ्या गाड्या फेल, मोठ्या कुटुंबाची आहे फेव्हरेट | Mahindra Bolero line-up crosses 14 lakh unit sales since inception

7 Seater Car: 'ही' कार तिचं अग्रेसिव्ह डिझाईन आणि दमदार फीचर्समुळे बाजारात खूप लोकप्रिय आहे.

Mahindra Bolero ची जोरदार विक्री (Photo-Mahindra)

7 Seater Car: देशातील लोकप्रिय कार निर्माता कंपनी महिंद्रा तिच्या एसयूव्ही कारसाठी ओळखली जाते. महिंद्रा स्कॉर्पिओ घेण्याचे लोकांना वेड लागले असले तरी कंपनीची सर्वाधिक विक्री होणारी कार म्हणजे महिंद्रा बोलेरो. भारतीय ऑटो बाजारात एसयूव्ही सेगमेंटमध्ये सर्वाधिक विकल्या जाणाऱ्या एसयूव्ही पैकी एक असणारी महिंद्रा बोलेरो आपल्या दमदार फीचर्स आणि लूकमुळे बाजारात धुमाकूळ घालत आहे.महिंद्राने सांगितले की, गेल्या आर्थिक वर्षात बोलेरोच्या १० लाखांहून अधिक युनिट्सची विक्री झाली आहे. बोलेरो २००० या वर्षी भारतीय बाजारात आणली गेली होती आणि आत्तापर्यंत या कारचे १४ लाखांहून अधिक युनिट्स विकले गेले आहेत. खास गोष्ट म्हणजे ही १० लाखांपेक्षा कमी किमतीची लोकप्रिय सात सीटर कार आहे, ज्याची क्रेझ खेड्यापासून शहरांपर्यंत आहे.

महिंद्रा बोलेरो किंमत

महिंद्रा बोलेरोच्या किमती ९.७८ लाखांपासून सुरू होतात आणि टॉप-एंड प्रकारासाठी १०.७९ लाख (एक्स-शोरूम दिल्ली) पर्यंत जातात. कंपनीन ते तीन ट्रिममध्ये विकते: B4, B6 आणि B6(O). या एसयूव्हीमध्ये जास्तीत जास्त सात लोक बसू शकतात.

(हे ही वाचा : Toyota Hilux चा बँड वाजणार; Mahindra Bolero नव्या अवतारात देशात दाखल, किंमत फक्त…)

महिंद्रा बोलेरो इंजिन

या SUV च्या इंजिनबद्दल बोलायचे झाले तर कंपनीने यात १४९८ cc चे इंजिन लावले आहे. हे इंजिन ७५ PS कमाल पॉवर आणि २१० Nm पीक टॉर्क बनविण्यास सक्षम आहे. त्याचे इंजिन मॅन्युअल ट्रान्समिशनसह जोडलेले आहे. यामध्ये कंपनी १६.० किलोमीट प्रति लीटर मायलेज देते.

This quiz is AI-generated and for edutainment purposes only.

वैशिष्ट्ये

महिंद्रा बोलेरोचा फेसलिफ्ट नुकताच आणण्यात आला. यामध्ये नवीन बंपर, नवीन लोखंडी जाळी, नवीन हेडलॅम्प, मागील वॉशर आणि वायपर्स आणि फॉग लॅम्पसह पुन्हा डिझाइन केलेला चेहरा समाविष्ट आहे. आतील बाजूस, तुम्हाला ड्रायव्हर इन्फोटेनमेंट सिस्टम मिळेल, जी प्रवास केलेले अंतर, इंधन पातळी, गियर इंडिकेटर, दरवाजाचा इशारा, दिवस आणि तारखेसह डिजिटल घड्याळ दर्शवते. यात फॅब्रिक सीट्स, पॉवर विंडो, सेंट्रल लॉकिंग, कीलेस एंट्री आणि 12V चार्जिंग पोर्ट देखील मिळतो.

First published on: 26-04-2023 at 10:24 IST

मराठीतील सर्व ऑटो बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Mahindra has announced that the bolero has recorded its best ever sales in a fiscal crossing the 100000unit mark in financial year 2023 pdb

Mahindra च्या ‘या’ सर्वात स्वस्त ऐसपैस स्पेसच्या ७ सीटर SUV समोर बाकी सगळ्या गाड्या फेल, मोठ्या कुटुंबाची आहे फेव्हरेट

7 Seater Car: 'ही' कार तिचं अग्रेसिव्ह डिझाईन आणि दमदार फीचर्समुळे बाजारात खूप लोकप्रिय आहे.

महिंद्रा बोलेरो किंमत

महिंद्रा बोलेरो इंजिन

वैशिष्ट्ये