सुरक्षा दल आणि दहशतवादी यांच्यात झालेल्या चकमकीत एका पाकिस्तानी दहशतवाद्याचा खात्मा करण्यात आला. जम्मू काश्मीरच्या अखनूर सेक्टरमध्ये आज दुपारी १ वाजून ५० मिनिटांच्या सुमारास या दहशतवाद्याचा खात्मा करण्यात आला. या दहशतवाद्याकडून सुरक्षा दलांनी मोठा शस्त्रसाठाही जप्त केला आहे. ज्यामध्ये पिस्तुल, हँड ग्रेनेड आणि काडतुसांचा समावेश आहे. सुरक्षा दलांकडून शोध मोहीम अजूनही सुरु आहे. सुरक्षा दलाच्या जनसंपर्क अधिकाऱ्यांनी ही माहिती एएनआयला दिली आहे.

याआधी १० तारखेलाही पुलवामा या ठिकाणी दहशतवाद्यांचा खात्मा करण्यात आला त्यावेळीही मोठा शस्त्रसाठा जप्त करण्यात आला होता. आज पुन्हा एकदा एका दहशतवाद्याला ठार करण्यात आले आहे. शोध मोहीम सुरु आहे असेही स्पष्ट करण्यात आले आहे. अखनूरप्रमाणेच काही वेळापूर्वी कुपवाडा येथेही दोन दहशतवाद्यांचा खात्मा करण्यात आला तिथेही शोध मोहीम सुरु आहे. अशीही माहिती मिळते आहे.