News Flash

लालूंच्या मुलाचे तेज प्रतापचे ऐश्वर्या राय बरोबर होणार लग्न

राष्ट्रीय जनता दलाचे प्रमुख लालू प्रसाद यादव यांच्या घरी लवकरच सनई चौघडे वाजणार आहेत. लालूंचा मोठा मुलगा तेज प्रताप यादव यांच्या विवाहाची चर्चा सुरु आहे.

राष्ट्रीय जनता दलाचे प्रमुख (आरजेडी) लालूप्रसाद यादव यांचे मोठे पुत्र आणि बिहारचे माजी आरोग्यमंत्री तेजप्रताप यादव पुन्हा एकदा चर्चेत आले आहेत.

राष्ट्रीय जनता दलाचे प्रमुख लालू प्रसाद यादव यांच्या घरी लवकरच सनई चौघडे वाजणार आहेत. लालूंचा मोठा मुलगा तेज प्रताप यादव यांच्या विवाहाची चर्चा सुरु आहे. राष्ट्रीय जनता दलाचे आमदार आणि बिहारचे माजी वाहतूक मंत्री चंद्रिका राय यांची मोठी मुलगी ऐश्वर्याबरोबर तेज प्रताप विवाहबद्ध होऊ शकतो.

चंद्रिका राय हे बिहारचे माजी मुख्यमंत्री दरोगा प्रसाद राय यांचे सुपूत्र आहेत. पाटण्यातील मौर्य हॉटेलमध्ये १८ एप्रिलला तेज प्रताप आणि ऐश्वर्या यांचा साखरपुडा होणार असल्याची माहिती आहे. १२ मे ला विवाह ठरल्याची सूत्रांची माहिती आहे. इंडिया टुडेने हे वृत्त दिले आहे. चंद्रिका राय यांचे वडिल बिहारचे मुख्यमंत्री होते. चंद्रिका राय ते सारण जिल्ह्यातील पारसा विधानसभा मतदारसंघातून आमदार आहेत.

दरोगा बिहारचे १० वे मुख्यमंत्री होते. १६ फेब्रुवारी १९७० ते २२ डिसेंबर १९७० पर्यंत त्यांनी बिहारचे मुख्यमंत्रीपद भूषवले. चंद्रिका यांना दोन मुले आणि एक मुलगी आहे. सध्या त्याचे कुटुंब दिल्लीमध्ये राहते. ऐश्वर्याने तिचे शालेय शिक्षण पाटण्यातून तर पदवी दिल्लीतून घेतली आहे. तेज प्रताप आमदार असून त्यांनी नितीश कुमार यांच्या मंत्रिमंडळात मंत्रिपद भूषवले आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 5, 2018 9:13 pm

Web Title: lalus son getting married to aishwarya rai
टॅग : Lalu Prasad Yadav
Next Stories
1 सलमान मुस्लिम असल्याने त्याला शिक्षा; पाकिस्तानच्या परराष्ट्रमंत्र्यांची मुक्ताफळे
2 शाहीद आफ्रिदीचा खोटेपणा! खेळून झाल्यावर बोलतो मला IPLमध्ये कधीच रस नव्हता
3 बिटकॉइन फसवणूक प्रकरणी अमित भारद्वाजला १३ एप्रिलपर्यंत पोलीस कोठडी
Just Now!
X