मध्य प्रदेशात प्रजासत्ताक दिन साजरा करण्यासाठी पोहोचलेल्या काँग्रेस मंत्र्याला साधं आपलं भाषणही वाचता आलं नाही. भाषण वाचता न आल्याने मध्य प्रदेशातील काँग्रेसच्या मंत्री इमरती देवी यांनी थेट जिल्हाधिकाऱ्यांनाच भाषण वाचण्याचा आदेश दिला. इमरती देवी यांचा व्हिडीओ सोशल मीडियावर व्हायरल होत आहे. या व्हिडीओत त्या जिल्हाधिकारी पुढे वाचतील असं सांगताना दिसत आहेत. व्हिडीओत दिसत असल्याप्रमाणे इमरती देवी भाषण देण्यासाठी उभ्या राहतात. मात्र वाचताना अडखळू लागल्यानंतर त्यांनी जिल्हाधिकारी भारत यादव यांना पुढील भाषण वाचण्याचा आदेश दिला आणि बाजूला झाल्या. #WATCH Madhya Pradesh Minister Imarti Devi in Gwalior asks the Collector to read out her #RepublicDay speech pic.twitter.com/vEvy1YVjRM — ANI (@ANI) January 26, 2019 जेव्हा त्यांना याबद्दल विचारण्यात आलं तेव्हा त्यांनी आपण गेल्या दोन दिवसांपासून आजारी असल्याचं कारण दिलं. 'आपण गेल्या दोन दिवसांपासून आजारी आहोत. तुम्ही डॉक्टरला विचारु शकता. पण चिंता करण्याचं कारण नाही जिल्हाधिकाऱ्यांनी सर्व भाषण व्यवस्थित वाचलं आहे', असं इमरती देवी यांनी सांगितलं. इरमती देवी यांनी काँग्रेसच्या तिकीटावर ग्वालियरमधून निवडणूक लढवत जिंकली होती. मुख्यमंत्री कमलनाथ यांनी त्यांना मंत्रीपद दिलं आहे.