News Flash

आता ऑक्सिजनचीही चोरी? लिक्विड ऑक्सिजन नेणारा आख्खा टँकर गायब!

लसीचे डोस चोरीला जाण्याच्या घटनेनंतर ऑक्सिजन गायब झाल्याची घटना समोर आली आहे.

प्रातिनिधिक छायाचित्र

ऑक्सिजनसाठी देशभरात मोठ्या प्रमाणावर मागणी वाढली आहे. करोनाच्या रुग्णांचा ऑक्सिजन पुरवठ्याअभावी मृत्यू ओढवत असल्याच्याही घटना समोर येऊ लागल्या आहेत. त्यामुळे ऑक्सिजन ही मुळातच जिवंत राहण्यासाठी मूलभूत बाब असताना करोनाच्या संकट काळात ऑक्सिजनचं मोल कैक पटींनी वाढलं आहे. या पार्श्वभूमीवर ऑक्सिजनचीही चोरी झाली असल्याची घटना समोर आली आहे. आणि थोडा थोडका नसून ऑक्सिजन वाहून नेणारा आख्खा टँकरच गायब झाल्याची घटना समोर आली आहे. हरयाणामध्ये हा प्रकार उघडकीस आला असून या प्रकरणी पोलिसांनी गुन्हा देखील दाखल करून घेतला आहे.

 

टँकरची चोरी झाली कशी?

पानिपतमध्ये ऑक्सिजनचा एक प्लांट आहे. या प्लांटमधून इतर भागात आणि इतर राज्यांमध्ये देखील ऑक्सिजनचा पुरवठा केला जातो. पानीपतहून अशाच प्रकारे लिक्विड ऑक्सिजनचा एक टँकर बुधवारी हरयाणातील सिरसा या ठिकाणी जात होता. पण सिरसामध्ये तो पोहोचलाच नाही, अशी तक्रार पानिपत जिल्हा औषध नियंत्रकांनी (District Drug Controller) दिली आहे. पीटीआयनं यासंदर्भातलं वृत्त दिलं आहे.

आधी लसी पळवल्या, मग “माफ करा, चूक झाली” सांगत चोरानं परत केल्या १७०० लसी!

“बुधवारी प्लांटमधून लिक्विड ऑक्सिजन भरून हा टँकर निघाला. सिरसामध्ये हा पुरवठा जाणार होता. पण हा टँकर नियोजित स्थळी पोहोचलाच नाही. आम्ही या प्रकरणी गुन्हा दाखल केला असून तपास सुरू केला आहे”, अशी माहिती पानिपतमधील मतलाऊडाचे स्टेशन हाऊस ऑफिसर मनजीत सिंग यांनी दिली आहे.

दरम्यान, असाच प्रकार दिल्लीमध्ये देखील घडल्याचा आरोप काही दिवसांपूर्वी हरयाणाचे मंत्री अनिल विज यांनी केला होता. “पानिपतहून फरीदाबादला कोविड रुग्णांसाठी मेडिकल ऑक्सिजन नेणारा एक टँकर दिल्ली सरकारने त्यांच्या हद्दीत येताच लुटला”, असा आरोप विज यांनी केला होता. गेल्या काही दिवसांपासून ऑक्सिजन पुरवठ्यावरून हरयाणा सरकार आणि दिल्ली सरकारमधील संबंध ताणले गेले आहेत.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 23, 2021 4:31 pm

Web Title: oxygen tanker goes missing case filed at panipat police inquiry pmw 88
टॅग : Corona,Coronavirus
Next Stories
1 पंतप्रधान गरीब कल्याण अन्न योजनेअंतर्गत दोन महिने मोफत धान्य
2 माहिती न घेताच निधन झाल्याचं ट्विट करणाऱ्यांवर सुमित्रा महाजन संतापल्या; म्हणाल्या….
3 करोनामुळे स्वयंघोषित स्वामी नित्यानंद भयभीत; कैलासात येण्यावर घातले निर्बंध
Just Now!
X