जमशेदपूर (झारखंड) : टाटानगरमध्ये दोन नराधमांनी एका तीन वर्षीय बालिकेवर बलात्कार करून तिचा शिरच्छेद करण्याचा संतापजनक प्रकार घडला आहे. या मुलीचे शिर अद्यापही मिळाले नसून पोलीस त्याबाबत कसून शोध घेत आहेत.या बालिकेचे धड एका प्लास्टिक पिशवीमध्ये कोंबून ती पिशवी झुडपामध्ये टाकून देण्यात आली होती. मंगळवारी रात्री हा प्रकार उघडकीस आल्यानंतर नराधमांचा शोध घेण्यासाठी श्वानपथकाची मदत घेण्यात येत आहे. ही मुलगी आपल्या पालकांसोबत झोपलेली असताना तिचे शुक्रवारी रात्री रेल्वे स्थानकातून अपहरण करण्यात आले होते. या बलात्कार आणि हत्याप्रकरणी तीन जणांना अटक करण्यात आली आहे. यापैकी दोघांनी गुन्ह्याची दिल्याचे पोलीस अधीक्षक एहतेशाम वकारिब यांनी सांगितले.
