झारखंडमधील धनबाद येथे एक धक्कादायक घटना घडली आहे. येथील एका बाजारपेठेत झालेल्या बॉम्बस्फोटात चारजण गंभीर जखमी झाले आहेत. दुचाकीच्या डिक्कीत हा स्फोट घडल्याची माहिती समोर आली आहे. एक तरुण दुचाकीच्या डिक्कीत बॉम्ब घेऊन भाजी खरेदी करण्यासाठी बाजारात आला होता. यावेळी बाजारात स्फोट घडला. 'इंडिया टुडे'नं दिलेल्या वृत्तानुसार, एक तरुण दुचाकीच्या डिक्कीत बॉम्ब घेऊन बाजारात भाजी खरेदी करण्यासाठी आला होता. यावेळी झालेल्या स्फोटात एका तरुणासह तीन भाजी विक्रेते गंभीर जखमी झाले आहेत. सर्व जखमींना शहरातील शहीद निर्मल महातो वैद्यकीय महाविद्यालय आणि रुग्णालयात दाखल करण्यात आलं आहे. जखमींवर उपचार केले जात आहे. हेही वाचा- हृदयद्रावक: फिफा विश्वचषकाचा आनंद क्षणात विरला, मुंबईत पाचव्या मजल्यावरून पडून चिमुकल्याचा अंत बाजारपेठेत झालेल्या बॉम्बस्फोटाची माहिती मिळताच पोलीस पथक घटनास्थळी दाखल झालं. पोलिसांनी संबंधित परिसर सील केला आहे. घटनेचा अधिक तपास पोलीस करत आहे.
