coronavirus-new-cases-last-24-hours-more-than-8-thousand-cases-registered in india

देशात मागील काही दिवसांपासून करोना संसर्गामध्ये वाढ होत आहे. महाराष्ट्रासह इतर राज्यांतही रुग्णसंख्येत वाढ होत असल्याचे दिसून येत आहे.

संग्रहित छायाचित्र

भारतात गेल्या काही दिवसांपासून करोना (corona) रुग्णांमध्ये झपाट्याने वाढ होताना दिसत आहे. अटोक्यात आलेला करोना आता पुन्हा डोके वर काढत आहे. गेल्या २४ तासात देशामध्ये ८ हजार ३२९ नवे करोना रुग्ण आढळून आले असून सक्रिय रुग्णांची संख्या ४० हजार ३७० वर पोहचली आहे.

#COVID19 | India reports 8,329 fresh cases, 4,216 recoveries, and 10 deaths in the last 24 hours.

Total active cases are 40,370 pic.twitter.com/svqgvbjtpx
— ANI (@ANI) June 11, 2022

आरोग्य मंत्रालयाने जाहीर केलेल्या आकडेवाडीनुसार गेल्या २४ तासात ४ हजार २१६ लोक करोनामुक्त झाले आहेत. मात्र, १० रुग्णांचा करोनामुळे मृत्यू झाला आहे. गेल्या ३ महिन्यात करोना रुग्णांमध्ये लक्षणीय घट झाली होती. मात्र, गेल्या बुधवारी एकाच दिवसाता ५ हजारहून अधिक करोना रुग्ण आढळून आले आहेत. देशात एकूण करोनाबाधितांचा आकडा ४ कोटी ४२ लाखांवर पोहचला आहे. तर करोनामुळे मृत्यू झालेल्या रुग्णांची संख्या ५ लाख २४ हजार ७४७ आहे.

महाराष्ट्रातही करोना रुग्णांमध्ये वाढ

महाराष्ट्रातही करोना रुग्णांमध्ये वाढ होताना दिसत आहे. गेल्या २४ तासात महाराष्ट्रात ३ हजार ८१ नव्या करोना रुग्णांची नोंद झाली आहे. केवळ मुंबईतच १ हजार ९५६ नवे करोनाबाधित आढळून आले आहेत. या अगोदर मंगळवारी मुंबईत १२४२ नव्या करोना रुग्णांची नोंद करण्यात आली होती. मंगळवारी आढळलेल्या रुग्णसंख्येच्या तुलनेत ही रुग्णसंख्या अधिक आहे.

Corona Cases: देशात गेल्या २४ तासात ८ हजार पेक्षा अधिक करोना रुग्णांची नोंद; सक्रिय रुग्णांच्या संख्येतही वाढ