“मोदी हे केवळ बहाणा, खरं तर…” गुलाम नबी आझाद यांनी सांगितलं राजीनाम्याचं खरं कारण, घर सोडण्यास भाग पाडल्याचाही आरोप

Ghulam Nabi Azad Resignation: “गुलाम नबी आझाद जम्मू-काश्मीरचे पुढील मुख्यमंत्री असतील”

“राजीनामा देण्याआधी सहा दिवस झोपलो नाही. या पक्षासाठी आम्ही रक्त सांडवलं आहे. काँग्रेस पक्षात सध्या अकार्यक्षम लोक आहेत. काँग्रेसमधील प्रवक्त्यांना आमच्या विषयी माहित नसणं, अत्यंत वेदनादायी आहे” अशी प्रतिक्रिया आझाद यांनी दिली आहे. काँग्रेसमध्ये गेल्या काही वर्षात अनेक बैठका होत होत्या. मात्र, या बैठकांमध्ये माझा एकही सल्ला घेण्यात येत नव्हता अशी नाराजी देखील त्यांनी व्यक्त केली आहे.

गेल्या ३० वर्षांपासून सोनिया गांधीविषयी असलेला आदर अजुनही कायम आहे. इंदिरा गांधींचा नातू, सोनिया आणि राजीव गांधींचा पुत्र म्हणून राहुल यांचाही मी आदर करतो. त्यांना दीर्घ आयुष्य लाभावं, अशी मी प्रार्थना करतो. त्यांना एक यशस्वी नेता बनवण्यासाठी आम्ही प्रयत्न केले. पण त्यात त्यांनाच रस नव्हता” असे आझाद म्हणाले आहेत.

दरम्यान, काँग्रेसला सोडचिट्ठी दिल्यानंतर गुलाम नबी आझाद नवा पक्ष स्थापन करण्याच्या तयारीत आहेत. येत्या १४ दिवसांमध्ये पक्षाच्या स्थापनेची घोषणा होईल, अशी माहिती जम्मू काश्मीरचे माजी मंत्री ताज मोहीउद्दीन यांनी दिली आहे. मोहीउद्दीन यांनी सुद्धा काँग्रेस पक्षाला रामराम ठोकला आहे. गुलाम नबी आझाद यांच्या नेतृत्वातील नवा पक्ष ‘जम्मू काश्मीर नॅशनल कॉन्फरन्स’(JKNC) आणि ‘द पिपल्स डेमोक्रॅटिक पार्टी’ (PDP) यांच्या पक्षासोबत युती करणार असल्याचे संकेत मोहीउद्दीन यांनी दिले आहेत.