दिल्लीत वादळी वाऱ्यांसह मुसळधार पाऊस पडला आहे. एएनआयने या संदर्भातले वृत्त दिले आहे. दिल्लीतील NCR भागात दुपारपासूनच ढग जमा झाले होते. त्यानंतर वादळी वारे वाहू लागले ज्यामुळे रस्त्यांवर धुळीचे लोट पाहण्यास मिळाले. त्यानंतर काही वेळापूर्वीच जोरदार पावसाने दिल्लीत हजेरी लावली. सुरुवातीला हलक्या सरी कोसळल्या. मात्र त्यानंतर मुसळधार पावसाने राजधानीत हजेरी लावली. Heavy rain and hailstorm hit part of Delhi, visuals from near Kashmere Gate. pic.twitter.com/zfwSJL4eQf — ANI (@ANI) May 14, 2020 #WATCH Dust storm & strong winds hit parts of Delhi, visuals from Janpath area. pic.twitter.com/wePKOOMQUD — ANI (@ANI) May 14, 2020 काशमीरे गेट भागात तर वीजा कडाडून पाऊस झाला. हवामान विभागाने वर्तवलेल्या अंदाजानुसार १३ आणि १४ मे रोजी पाऊस पडेल असा अंदाज व्यक्त करण्यात आलाच होता. त्यानुसारच आज दिल्लीत मुसळधार पाऊस पडला. मागच्या रविवारीही वादळी वारे दिल्ली आणि नोएडा परिसरात वाहिले होते. पावसामुळे वातावरणात बदल झाल्याचे दिल्लीत पाहण्यास मिळाले.
