मणिपूरमध्ये सामूहिक बलात्काराची आणखी एक FIR, दोन पीडित महिलांच्या कुटुंबियांनी सांगितला घटनाक्रम

हे पण वाचा- Manipur : “जमावाने पती आणि मुलाची हत्या केली, मुलीला घेऊन गेले आणि…”, पीडितेच्या आईने सांगितली वेदनादायी आठवण

इंफाळच्या पूर्व भागात असलेल्या एका पोलीस ठाण्यात जी सामूहिक बलात्काराची FIR नोंदवण्यात आली ती संबंधित पोलीस ठाण्यात वर्ग करण्यासाठीही एक महिन्यापेक्षा जास्त कालावधी लागला. पोलीस सूत्रांनी इंडियन एक्स्प्रेसला दिलेल्या माहितीनुसार या प्रकरणात अद्याप कुणालाही अटक करण्यात आलेली नाही. इंफाळ पूर्वचे पोलीस अधीक्षक शिवकांत यांनीही इंडियन एक्स्प्रसेच्या प्रश्नांना उत्तरं दिलेली नाहीत. बलात्कार किंवा महिला अत्याचारांविषयीची झीरो FIR ही कुठल्याही पोलीस स्टेशनमध्ये करण्यात येते. त्यासाठी गुन्हा कुठल्या हद्दीत घडला त्याची सीमा नाही. मणिपूरच्या हिंसाचारा दरम्यान अशीच एक झीरो FIR दाखल करण्यात आली जी संबंधित पोलीस ठाण्यात वर्ग होण्यासाठी एक महिना गेला.

हे पण वाचा- “दीपिकाच्या भगव्या बिकिनीने धर्म धोक्यात आला, पण…”; मणिपूर घटनेवर मौन बाळगणाऱ्या कंगनावर गायिकेची टीका; म्हणाली…

दोन पीडित मुलींच्या आईने तक्रार दाखल केली. मणिपूरमध्ये १६ मे २०२३ या दिवशी दोन कुकी जोमी महिलांविषयीची ही तक्रार होती. या दोन महिलांचं वय अनुक्रमे २१ आणि २४ वर्षे होतं. अपहरण, बलात्कार आणि हत्या अशा कलमांच्या अन्वये ही FIR दाखल करण्यात आली. कार धुण्याचं काम करणाऱ्या या दोन महिलांवर काही अज्ञातांनी सामूहिक बलात्कार केला. या लोकांची संख्या १०० ते २०० होती असंही या FIR मध्ये म्हटलं आहे.

१६ मे २०२३ रोजी करण्यात आलेली FIR ही १३ जून २०२३ ला म्हणजेच जवळपास महिनाभराने इंफाळच्या पूर्व जिल्ह्यात पोरोम्पैट पोलीस ठाण्यात वर्ग करण्यात आली. पीडित मुलीच्या चुलत भावाने इंडियन एक्स्प्रेसला हे सांगितलं की पोलीस ५ मे च्या घटनेनंतर दोन आठवड्यांनी आमच्याशी बोलले. त्यावेळी आम्हाला पोलिसांनी दोन मुलींची ओळख पटवण्यासाठी मृतदेहांचे दोन फोटो दाखवले. आम्ही त्यांची ओळख पटवली होती. पीडित मुलीच्या भावाने हे देखील सांगितलं की आम्हाला शवविच्छेदन अहवालाची प्रतही दिली गेली नाही.