scorecardresearch

Premium

भारत-कॅनडात संवाद हवा, दहशतवादाची समस्या सोडवावी; परराष्ट्रमंत्री जयशंकर यांचे प्रतिपादन

दहशतवाद, अतिरेकी विचारसरणीला मोकळीक आणि निवडणुकीतील हस्तक्षेपास मुभा या सर्वात मोठय़ा समस्या सोडवाव्या लागतील, असे परराष्ट्र मंत्री एस. जयशंकर यांनी स्पष्ट केले.

meeting of foreign ministers of brics countries held in cape town
भारताचे परराष्ट्रमंत्री एस. जयशंकर

पीटीआय, वॉशिंग्टन : खलिस्तानवादी नेता हरदीपसिंग निज्जरच्या मृत्यूवरून निर्माण झालेले मतभेद दूर करण्यासाठी भारत आणि कॅनडा सरकार यांना परस्परांशी संवाद साधावा लागेल. दहशतवाद, अतिरेकी विचारसरणीला मोकळीक आणि निवडणुकीतील हस्तक्षेपास मुभा या सर्वात मोठय़ा समस्या सोडवाव्या लागतील, असे परराष्ट्र मंत्री एस. जयशंकर यांनी स्पष्ट केले.

शुक्रवारी वॉशिंग्टनमध्ये भारतीय पत्रकारांशी बोलताना जयशंकर यांनी सांगितले, की कॅनडातील ब्रिटिश कोलंबियात १८ जून रोजी झालेल्या निज्जर याच्या हत्येमध्ये भारतीय मध्यस्थांचा सहभाग असण्याची दाट शक्यता असल्याच्या कॅनडाच्या आरोपांबाबत भारत विचार करण्यास तयार आहे. कॅनडाने काही आरोप केले आहेत. आम्ही त्यांना हे स्पष्ट केले आहे, की हे भारत सरकारचे हे धोरण नाही. परंतु, जर ते विशिष्ट माहिती आणि संबंधित काही प्रासंगिक तपशील भारतास देण्यास तयार असतील तर, आम्ही त्यावर विचार करण्यास तयार आहोत.

narendra modi Supriya sule
“सर्वात जास्त पैसेवाले लोकही या देशात ४० टक्के कर भरत नाहीत, मात्र…”, सुप्रिया सुळेंचा सरकारवर हल्लाबोल
Sharad Pawar Eknath Shinde Ajit Pawar
बंडानंतर धनुष्यबाण शिंदे गटाला, आता घड्याळ कुणाला मिळेल? दिल्लीत एकनाथ शिंदे म्हणाले…
Vijay Wadettiwar
“दोन माणसं भाजपाबरोबर गेली तरी त्यांना पक्ष आणि चिन्ह मिळेल, कारण…”, विजय वडेट्टीवारांचं वक्तव्य
chandrashekhar bavankule, 10 mla joins bjp, list of 10 mla joining bjp, chandrashekhar bavankule on ajit pawar
“भाजप प्रवेशासाठी १० आमदारांची यादी तयार, उर्वरीत राष्ट्रवादीचा लवकरच अस्त”, बावनकुळेंची प्रतिक्रिया

जयशंकर म्हणाले, की, गेल्या काही वर्षांपासून भारताचे कॅनडा सरकारशी काही मतभेद आहेत. दहशतवाद, अतिरेकी विचारसरणीस मुभा आणि निवडणुकांमधील हस्तक्षेपास मिळणाऱ्या परवानगीबाबत हे मतभेद आहेत. भारतास हव्या असलेल्या काही महत्त्वाच्या व्यक्तींच्या प्रत्यार्पणाच्या विनंत्यांना कोणताही प्रतिसाद देण्यात आलेला नाही. भारतातील हिंसाचार आणि अवैध कारवायांत थेट सहभागी असलेल्या काही व्यक्ती आणि संघटना कॅनडात आहेत.

Latest Comment
View All Comments
Post Comment

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: India canada need talk problem of terrorism should be solved external affairs minister jaishankar ysh

First published on: 01-10-2023 at 03:12 IST

संबंधित बातम्या

मराठी कथा ×