scorecardresearch

Premium

10 वीच्या विद्यार्थिनीला दिली चुकीची प्रश्नपत्रिका, पुन्हा परीक्षा घेण्याचा हायकोर्टाचा आदेश

या विद्यार्थिनीला दोन वर्षांपूर्वीची प्रश्नपत्रिका देण्यात आली होती.

संग्रहित फोटो
संग्रहित फोटो

सीबीएसई 10 वीच्या गणित विषयाच्या पेपरफुटीचं प्रकरण अजून शमलं नसताना परीक्षेबाबत अजून एक धक्कादायक वृत्त समोर आलं आहे. केरळ उच्च न्यायालयाने एका विद्यार्थिनीसाठी पुन्हा परीक्षा घेण्याचा आदेश सीबीएसईला दिला आहे. केरळच्या कोट्टयम येथील अमिया सलिम या विद्यार्थिनीला गणिताच्या परीक्षेच्या दिवशी दोन वर्षांपूर्वीची प्रश्नपत्रिका देण्यात आली होती. त्यानंतर या विद्यार्थिनीने उच्च न्यायालयात धाव घेतली. इतर विद्यार्थ्यांच्या उत्तरपत्रिका तपासण्याआधी अमिया सलिम हिच्यासाठी फेरपरीक्षा घेतली जावी असंही उच्च न्यायालयाने सीबीएसईला सांगितलं आहे.

12 मार्चपासून सीबीएसईच्या परीक्षा सुरू झाल्या आणि 28 मार्च रोजी गणिताचा पेपर झाला. गणिताच्या परीक्षेनंतर इतर विद्यार्थ्यांसोबत चर्चा करत असताना इतरांपेक्षा आपल्याला वेगळी प्रश्नपत्रिका होती असं अमियाच्या लक्षात आलं. त्यानंतर अमियाने आणि तिच्या कुटुंबियांनी सीबीएसईच्या चेअरमन आणि रिजनल ऑफिसर यांच्याविरोधात तक्रार केली. त्यावेळी सीबीएसई बोर्डाकडून काहीही कारवाई झाली असा आरोप अमियाने उच्च न्यायालयात दाखल केलेल्या याचिकेत केला आहे.

Latest Comment
View All Comments
Post Comment

मराठीतील सर्व ट्रेंडिंग बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Kerala hc orders retest as cbse class 10 students gets old maths paper

First published on: 10-04-2018 at 10:57 IST

संबंधित बातम्या

तुम्ही या बातम्या वाचल्या आहेत का? ×