अकरावीच्या विद्यार्थ्यासह पळून गेल्या मॅडम; दररोज रोज चार तास घ्यायच्या शिकवणी

वडिलांनी तक्रारीत म्हटल्याप्रमाणे त्यांचा मुलगा नेहमीप्रमाणे २९ मे रोजी दुपारी दोन वाजता शिक्षिकेच्या घरी शिकवणीसाठी गेला होता. परंतु त्यानंतर तो परत आला नाही. शिक्षिकेच्या कुटुंबाने प्रथम याबाब वक्तव्य करण्याचे टाळले. त्यानंतर त्यांनी मुलीच्या बेपत्ता होण्याविषयी माहिती दिली.

याप्रकरणी पोलिसांनी शिक्षिकेविरूद्ध अपहरणाचा गुन्हा दाखल केला आहे. पोलीस शिक्षिका आणि विद्यार्थ्याचा शोध घेत आहेत, परंतु अद्यापपर्यंत या दोघांचा कुठेही शोध लागला नाही. ते गायब झाल्यापासून त्यांचे दोन्ही मोबाइल फोन बंद आहेत. पोलिसांना दिलेल्या तक्रारीत विद्यार्थ्याच्या वडिलांनी सांगितले आहे की, त्यांचा मुलगा ११ व्या वर्गात असून पळून गेलेली महिला त्याची वर्गशिक्षिका आहे.

हेही वाचा – ती मेहुल चोक्सीची गर्लफ्रेंड नाही, तर…; चोक्सीच्या वकिलांनी केला धक्कादायक दावा

गेल्या दोन वर्षांपासून हा अल्पवयीन विद्यार्थी शिक्षिकेच्या घरी शिकवणीसाठी जात असे. लॉकडाउनमुळे शाळा बंद असल्यामुळे विद्यार्थी दररोज चार-चार तासांच्या शिकवणीसाठी शिक्षिकेच्या घरी जात असे. २९ मे रोजी दोघेही अचानक गायब झाले. विशेष म्हणजे दोघांनीही घरातून कोणत्याही वस्तू नेल्या नाहीत. मौल्यवान वस्तूंपैकी शिक्षिकेच्या हातात फक्त सोन्याची अंगठी आहे.