Man Set Himself On Fire At Parliament : दिल्लीत आज नव्या संसद भवनाजवळ एक धक्कादायक घटना समोर आली आहे. आज दुपारी एका व्यक्तीने स्वतःला पेटवून घेतले. या घटनेनंतर परिसरात भीतीचे वातावरण निर्माण झाले होते. दरम्यान तेथे घटना घडली त्यावेळी उपस्थित असलेल्या नागरिकांसह रेल्वे पोलिसांनी तातडीने आग विझवली. त्यानंतर संसद भवनाच्या सुरक्षा रक्षकांनी जखमी व्यक्तीला राम मनोहर लोहिया रुग्णालयात दाखल केले आहे. यावेळी पोलिसांना घटनास्थळावर अर्धवट जळालेली दोन पानांचे पत्र सापडले आहे.

समोर आलेल्या माहितीनुसार पीडिताचे नाव जितेंद्र असे असून, तो उत्तर प्रदेशातील बागपतचा आहे. या पीडित व्यक्तीने रेल्वे भवनाजवळील एका उद्यानात स्वत:ला पेटवून घेतले आणि नंतर संसद भवनाच्या दिशेने तो धावू लागला, असे पोलिसांनी सांगितले. दरम्यान रेल्वे भवन नव्या संसद भवनाच्या इमारतीसमोर आहे.

Shocking video viral
थंडीत काकांनी केले जीवघेणे कृत्य, सिलिंडरला लावली आग अन्… VIDEO मध्ये पुढे काय घडलं एकदा पाहाच
mh370 search operation malaysian airlines
Malasian Airlines: बेपत्ता MH370 चा शोध; पुण्यातील प्रल्हाद…
mumbai scrap shops loksatta news
मुंबई : कुर्ला येथे भीषण आगीत भंगार दुकाने जळून खाक
Uttar Pradesh Ghaziabad Cylinder Blast News
उत्तर प्रदेशात गॅस सिलिंडर्सने भरलेल्या ट्रकला आग; एकामागोमाग एक स्फोट, तीन किमी दूरपर्यंत आवाज, लोकांमध्ये भितीचं वातावरण
Building catches fire in Thane residents escape safely
ठाण्यात इमारतीला आग, रहिवाशांची सुखरूप सुटका
Pranav Kumar Champion
भाजपाच्या माजी आमदाराकडून काँग्रेस आमदाराच्या घरावर गोळीबार; VIDEO व्हायरल होताच पोलिसांनी केली अटक!
Fire breaks out at Goregaon furniture market
गोरेगावमध्ये फर्निचर मार्केटमध्ये आग; आगीची तीव्रता आणखी वाढली
Young man commits suicide by shooting himself in Bhandup
भांडुपमध्ये स्वतःवर गोळी झाडून तरुणाची आत्महत्या

या प्रकरणी पोलिसांनी दिलेल्या माहितीनुसार, “घटनेतील पीडित व्यक्तीचे बागपतमधील एका कुटुंबाशी वाद आहे. या वादामुळे दोन्ही कुटुंबांनी तुरुंगवास भोगला आहे. या घटनेमुळे पीडित जितेंद्र व्यथित होता. त्यामुळे जितेंद्र आज रेल्वेने दिल्लीला आला. त्यानंतर जितेंद्रने रेल्वे भवन परिसरातील उद्यानात अंगावर पेट्रोल ओतून स्वत:ला पेटवून घेतले.”

“या पीडिताला रुग्णालयात दाखल करेपर्यंत तो गंभीरपणे भाजला होता. त्याच्यावर आता बर्न्स युनिटमध्ये उपचार सुरू आहेत,” असे पोलिसांनी पुढे सांगितले.

व्हिडिओ व्हायरल

आज दुपारी ३.३५ च्या सुमारास अग्निशमन दलाला या घटनेबाबत फोनवरून माहिती मिळाली. त्यानंतर अग्निशमन दलाचे पथक घटनास्थळी रवाना झाले. दरम्यान पोलीस आणि फॉरेन्सिक तपास पथकाने घटनास्थळी पुरावे गोळा केले. घटनेनंतर लगेचच घटनास्थळावरील व्हिडिओ सोशल मीडियावर व्हायरल झाले आहेत. यामध्ये पीडित व्यक्तीला काळ्या ब्लँकेटने झाकलेले दिसत आहे.

हे ही वाचा : महिला सन्मान योजना नाकारणाऱ्या अधिकाऱ्यांवर कारवाई होणार? दिल्लीच्या मुख्यमंत्री अतिशींनी दिला ‘हा’ मोठा इशारा

काय म्हणाले पोलीस?

या घटनेविषयी दिल्लीचे विशेष पोलीस आयुक्त मधुप तिवारी यांनी सांगितले की, “रेल्वे भवन चौकासमोर एका व्यक्तीने स्वतःला पेटवून घेतल्याची घटना दुपारी साडेतीन वाजता घडली. त्यानंतर तो धावत सुटला. हे पाहिल्यानंतर घटनास्थळी असलेल्या पोलीस आणि नागरिकांनी आग विझवण्यात मदत केली आणि त्याला राम मनोहर लोहिया रुग्णालयात दाखल केले. जितेंद्र कुमार असे या घटनेतील पीडिताचे नाव आहे. तो बागपतचा आहे. तेथे शेजाऱ्यांशी भांडल्याप्रकरणी त्याच्यावर गुन्हा दाखल आहे. त्याच्यावर यापूर्वी तीन गुन्हे दाखल आहेत. त्याचे म्हणणे आहे की, बागपत पोलीस या प्रकरणांचा योग्य तपास करत नसल्याने त्याला न्याय मिळेना.”

Story img Loader