पीटीआय, हैदराबाद / नवी दिल्ली

काँग्रेसचे ‘अंबानी आणि अदानीं’शी संबंध असल्याचा आरोप पंतप्रधान नरेंद्र मोदी यांनी लोकसभा निवडणुकीच्या प्रचारात बुधवारी प्रथमच केला. या उद्याोगपतींकडून काँग्रेसला टेम्पो भरून काळा पैसा मिळाल्याने राहुल गांधी यांनी त्यांच्या नावाने बोटे मोडणे रातोरात बंद केले का, असा सवालही मोदी यांनी केला. यावर राहुल गांधी यांनीही हिंमत असेल, तर अदानी-अंबानींकडे ईडी पाठवा असे प्रतिआव्हान दिले.

sonia gandhi
काँग्रेसच्या संसदीय पक्षाच्या अध्यक्षपदी सोनिया गांधी यांची निवड; मल्लिकार्जून खरगेंचा प्रस्ताव एकमताने मंजूर!
BJP contribution to Shinde group success A decisive role in the victory of five out of seven candidates
शिंदे गटाच्या यशात भाजपचा हातभार; सातपैकी पाच उमेदवारांच्या विजयात निर्णायक भूमिका
Smriti Irani Amethi Result
केंद्रीय मंत्री स्मृती इराणींचा १ लाखांच्या मतांनी पराभव; काँग्रेसचे किशोरी लाल शर्मा विजयी
Ashok Gehlot, pm narendra modi,
पंतप्रधान मोदींच्या नावावर भाजपला स्पष्ट बहुमत नाही, आता मोदींनी…; अशोक गहलोत यांची जोरदार टीका
Modi attacks congress in himachal pradesh
मदत निधीच्या आरोपावरून भाजपा-काँग्रेसमध्ये जुंपली; पंतप्रधान मोदींच्या दाव्यात किती सत्य?
DMK has complained to the Kanniyakumari district collector Against Narendra Modi
पंतप्रधान नरेंद्र मोदींच्या कन्याकुमारी दौऱ्याला डीएमकेचा विरोध, काँग्रेस नेते म्हणतात,”ज्यांच्यात विवेक नाही असे..”
priyanka gandhi rajiv gandhi
“मी १२ वर्षांची असताना ज्योतिषाने पंतप्रधानपदाचं भविष्य वर्तवलं अन् बाबा संतापले”, प्रियांका गांधींनी सांगितला किस्सा
praful patel
छत्रपती शिवरायांची ओळख असलेला जिरेटोप पंतप्रधान नरेंद्र मोदींच्या डोक्यावर, प्रफुल्ल पटेलांनी दिली भेट

पंतप्रधान आणि केंद्र सरकार यांना लक्ष्य करण्यासाठी काँग्रेसकडून विशेषत: राहुल गांधी यांच्याकडून आतापर्यंत अंबानी-अदानींचा उल्लेख वारंवार केला जात होता. पंतप्रधान मोदी पाच मोठ्या उद्याोगपतींसाठी काम करतात, अशी टीकाही गांधी यांनी वारंवार केली. हा मुद्दा उपस्थित करत तेलंगणातील वेमुलावाडा येथील जाहीर सभेत पंतप्रधान म्हणाले, की राजपुत्रांकडून गेल्या पाच वर्षांपासून ‘अंबानी- अदानीं’चा मुद्दा उपस्थित करण्यात येत होता. परंतु या मुद्द्यावर बोलणे राहुल यांनी अचानक का थांबवले? सौदा तर झाला नाही ना? याबाबत काँग्रेसने देशाला स्पष्टीकरण दिले पाहिजे. ‘‘राफेलचा मुद्दा फसल्यानंतर त्यांनी ‘पाच उद्याोगपतीं’बद्दल ठणाणा सुरू केला. मग अंबानी-अदानींचा जप सुरू केला. पण निवडणूक जाहीर झाल्यापासून त्यांनी (काँग्रेस) अंबानी-अदानींच्या नावाने खडे फोडणे बंद केले आहे,’’ अशी टीका मोदी यांनी केली.

हेही वाचा >>>काँग्रेसला अंबानी-अदानींकडून पैसा; पंतप्रधान मोदी यांचा हल्लाबोल, राहुल गांधी यांच्या कथित मौनावर बोट

काँग्रेस अध्यक्ष मल्लिकार्जुन खरगे आणि सरचिटणीस जयराम रमेश यांनी मोदींच्या आरोपांना प्रत्युत्तर दिले. खरगे म्हणाले, की काळ बदलत आहे. मित्र आता मित्र राहिले नाहीत. तिसऱ्या टप्प्यानंतर मोदींनी आपल्याच मित्रांवर हल्ला सुरू केला आहे. त्यांचे स्थान डळमळीत झाल्याचे यावरून स्पष्ट होते. रमेश म्हणाले, ‘‘या निवडणुकीला असे वळण मिळाले आहे की, ‘हम दो हमारे दो’चे ‘पप्पा’ आपल्याच मुलांवर उलटे फिरले आहेत. पंतप्रधान आता स्वत:च्या सावलीलाही घाबरत आहेत.’’ मोदींच्या आरोपांना प्रत्युत्तर देताना काँग्रेस नेत्या प्रियंका गांधी वढेरा म्हणाल्या, ‘‘भाजपचे उद्याोगपतींशी संबंध असून त्या पक्षाने १६ लाख कोटींचे कर्जही घेतले आहे. भाजपची यंत्रणा राहुल गांधींविषयी खोटे पसरवण्यात व्यग्र आहे. राहुल आता अदानी-अंबानींचे नाव घेत नाही, असे ते म्हणतात, पण तो आणि आम्ही सर्वचजण दररोज अदानी-अंबानींबाबतचे सत्य मांडत असतो.

’’ निश्चितपणे काहीतरी संशयास्पद आहे. गेल्या पाच वर्षांपासून तुम्ही अदानी-अंबानींच्या नावाने ठणाणा करीत होतात. तुम्ही ते रातोरात थांबवले याचा अर्थ तुम्हाला टेम्पो भरून लुटीचा माल मिळाला आहे. काळ्या पैशांच्या किती बॅगा तुम्ही घेतल्या आहेत? तुम्हाला उत्तर द्यावेच लागेल. – नरेंद्र मोदी, पंतप्रधान