जम्मू- काश्मीरमध्ये १५ वर्षांनी पत्रकाराची हत्या; जाणून घ्या कोण होते शुजात बुखारी?

शुजात बुखारी हे कोण आहेत याचा घेतलेला हा आढावा… 

> शुजात बुखारी हे श्रीनगरमधील ‘रायझिंग काश्मीर’चे संपादक होते. त्यापूर्वी ते ‘द हिंदू’ या इंग्रजी वृत्तपत्राचे श्रीनगरमधील ब्यूरो चिफ होते.

> काश्मीरच्या शांतता प्रक्रियेसाठी शुजात नेहमीच आग्रही असायचे.

> काश्मीरचा प्रश्न शांततेने सुटेल, अशी त्यांची भूमिका होती. केंद्र सरकारने रमझाननिमित्त जाहीर केलेल्या शस्त्रसंधीचेही त्यांनी स्वागत केले होते.

> काश्मीरमध्ये मानवाधिकाराचे होणारे उल्लंघनाबाबतही त्यांनी आवाज उठवला होता.

> शुजात बुखारी यांचे बंधू सय्यद बशरत बुखारी हे मेहबूबा मुफ्ती सरकारमध्ये कायदा मंत्री आहेत.

> बुखारी यांनी मनिलातून पत्रकारितेचे शिक्षण घेतले.

> बुखारी यांना वर्ल्ड प्रेस इन्स्टिट्यूट फेलोशिप, अमेरिका आणि एशियन सेंटर फॉर जर्नालिझम, सिंगापूरची फेलोशिप मिळाली होती.

> काश्मीरमध्ये त्यांनी सांस्कृतिक आणि साहित्यिक चळवळही सुरु केली होती. काश्मीरमध्ये त्यांचा नावलौकिक होता.